Elimizde shomylý maýsymy bastaldy
ASTANA. KAZINFORM – Tótenshe jaǵdaılar mınıstrligi elimizde shomylý maýsymy bastalǵanyn habarlady.
TJM qyzmetkerleri profılaktıkalyq reıdter júrgizip, demalýshylarǵa sýdaǵy qaýipsizdik erejelerin eske saldy.
Erekshe nazar jappaı demalys oryndary men balalardyń qaýipsizdigine aýdarylyp otyr.
- Qurmetti azamattar, shomylý úshin arnaıy jabdyqtalǵan oryndardy tańdańyzdar jáne balalardy qaraýsyz qaldyrmańyzdar. Tótenshe jaǵdaı bolǵan jaǵdaıda dereý 112 nómirine habarlasyńyzdar, - delingen habarlamada.
Qonaevta 1 maýsymnan bastap shomylý maýsymy resmı túrde ashylǵanyn jazǵan edik.
Jaıdary jaz kelisimen dúıim jurttyń ózen-kóldiń jaǵasyna aǵylatyny belgili. Biraq óskemendikter úshin shomylatyn jerler sany azaıyp otyr. Sebebi sýy laılanǵan jaǵajaılardyń birinde sýǵa túsýge tyıym salyndy. Kazinform tilshisi Shyǵys Qazaqstannyń shomylý maýsymyna daıyndyǵyn zerdelep kórdi.
