Elimizde shylym shegetinder azaıyp, veıp pen elektrondy temekige áýestenýshiler sany artqan
ALMATY. KAZINFORM – Keıingi jyldary Qazaqstanda temeki shegetinder sany 30 paıyzǵa azaıdy. Bul kórsetkish – zııandy ádettiń aldyn alýǵa baǵyttalǵan memlekettik jáne qoǵamdyq sharalardyń tıimdiligin kórsetedi.
Bul týraly óńirlik kommýnıkatsııalar qyzmetinde ótken baspasóz máslıhatynda Almaty qalalyq psıhıkalyq densaýlyq ortalyǵy dırektorynyń orynbasary Roza Tátıeva málimdedi.
Onyń aıtýynsha, elde temeki tutynatyndardyń sany 30 paıyzǵa azaıdy. Odan bas tartqan jastar jaǵy sportpen aınalysyp, shyǵarmashylyqqa bet burǵan. Alaıda spıker veıp pen elektrondy shylymǵa áýes turǵyndardyń kóbeıip jatqanyn, ásirese bul ónimderdiń jasóspirimder arasynda keń taraǵanyn atap ótti.
– Keı jastar kalıandy qaýipsiz dep qabyldaıdy. Alaıda bir ret kalıan shegý — 100 temeki tartqanmen teń. Onyń tútininde nıkotın, shaıyr jáne aýyr metaldardyń mólsheri temekiden 3–5 ese kóp bolýy múmkin, - deıdi spıker.
Kalıandy jabyq bólmede shekkende, onyń tútini ınfektsııalyq aýrýlardyń taralýyna jaǵdaı jasaıdy. Al bir múshtikti birneshe adamnyń qoldanýy — juqpaly aýrýlar úshin tikeleı jol.
– Kalıan – aǵzany ýlaıtyn qural ǵana emes, jastardy táýeldilikke ıtermeleıtin áleýmettik qubylys. Ol temekiden de qaýipti, - dedi Roza Tátıeva.
Sarapshylardyń pikirinshe, adam zııandy ádetten neǵurlym erterek bas tartsa, oǵan qaıta oralý yqtımaldyǵy soǵurlym azaıady. Sondyqtan jastardyń salaýatty ómir saltyn ustanýyna jaǵdaı jasaý — memleket pen qoǵamnyń ortaq ári mańyzdy mindeti.
Aıtýynsha,temekiden bas tartqysy keletinder úshin elimizdiń emhanalarynda 86 arnaıy keńes berý kabıneti jumys isteıdi.
Buǵan deıin Almatyda 18 myńnan astam qorap zańsyz temeki ónimi anyqtalǵany týraly jazǵanbyz.