Elimizde sheteldikterdiń qatysýymen qansha avtotasymaldaýshy kásiporyn bar
ASTANA. KAZINFORM – Elimizde avtomobılmen júk tasymaldaý salasynda 13 shetel azamatynyń qatysýymen 64 birlesken kásiporyn jumys isteıdi. Bul týraly Kólik mınıstrliginen málim etti.
«Qazirgi ýaqytta Qazaqstanda 13 shet memleket (BAÁ, Germanııa, Latvııa, Lıtva, Nıderland, Túrkııa, Iran, Italııa, Reseı, Belarýs, Pákistan, Grýzııa, Aýǵanstan) azamattarynyń qatysýymen 64 birlesken kásiporyn jumys isteıdi. Atalǵan kompanııalar jáne olardyń avtokólik quraldary Qazaqstanda tirkelgen jáne olar is júzinde qazaqstandyq tasymaldaýshylar sanalady. Sonymen qatar olar el ekonomıkasyna ınvestıtsııalaýǵa qatysady. Salyqtar men alym tóleıdi jáne qosymsha jumys oryndaryn qurady», - dep atap ótedi mınıstrlikten agenttik saýalyna bergen jaýabynda.
Kólik mınıstrligi BAÁ, Danııa, Makedonııa jáne Portýgalııamen avtotasymaldaý salasyndaǵy úkimetaralyq kelisim rásimdeýdi Qazaqstan Respýblıkasynyń Halyqaralyq sharttardy jasasýdyń 2025-2027 jyldarǵa arnalǵan perspektıvti josparyna engizip otyr.
