Elimizde shaıbaly hokkeıden áıelder arasyndaǵy Azııa chempıonaty ótedi

ASTANA. KAZINFORM – 5-8 qarasha aralyǵynda Óskemen qalasynda shaıbaly hokkeıden áıelder arasyndaǵy Azııa chempıonaty ótedi. 

Ulttyq olımpıadalyq komıtettiń málimetinshe, Qazaqstan quramasy júlde úshin Japonııa, Qytaı jáne Ońtústik Koreıa komandalarymen kezdesedi. 

Áıelder arasyndaǵy alǵashqy qurlyqtyq týrnır byltyr Qytaıda ótken bolatyn. Sol kezde otandastarymyz koreılik hokkeıshilerdi býllıt serııasynda jeńip, qıyn kezdesýde jeńisti julyp alyp, qola medal ıelengen edi. 

Keıin qos qurama bıyl aqpanda ótken Azııa oıyndarynda qaıta jolyqty. Ol jarysta qazaqstandyq hokkeıshiler pleı-off kezeńinde Qytaı men Koreıa komandalaryn jeńip, kúmis medalǵa qol jetkizdi. 

Áıelder arasynda Halyqaralyq federatsııa reıtınginde eń joǵary orynda turǵan japonııalyqtar altyn medal jeńip aldy. Sondaı-aq olar irikteý týrnırinde top jaryp, 2026 jylǵy qysqy Olımpıada oıyndaryna joldama alǵan bolatyn.

Buǵan deıin habarlaǵanymyzdaı, «Barys» hokkeı komandasy alty oıynǵa sozylǵan sátsizdik serııasyn toqtatty.