Elimizde segiz sala boıynsha mamandar daıarlaý úshin JI qoldanatyn kásibı standart ázirlenip jatyr
ASTANA. KAZINFORM – 2025 jyly 3D basyp shyǵarý ınjeneri men robotty boıaý júıeleriniń operatoryn qosa alǵanda, segiz jańa kásipti engizý josparlanyp otyr. Bul týraly Úkimettiń baspasóz qyzmeti habarlady.
Pılottyq iske qosý Almaty men Qostanaıda ótedi. Sonymen qatar mashına jasaýdy qosa alǵanda, segiz saladaǵy 336 kásipti qamtıtyn jasandy ıntellektti paıdalana otyryp, 60 kásibı standart ázirlenip jatyr.
Sondaı-aq ınjenerlik-tehnıkalyq personaldyń biliktiligin arttyrý úshin respýblıkalyq bıýdjetten 50% jáne kásiporyndardyń óz qarajatynan 50% qosa qarjylandyrýmen sheteldik kásiporyndarda taǵylymdamadan ótý baǵdarlamasy engizilip jatyr.
Bul ozyq tájirıbeni qabyldaýǵa jáne ony Qazaqstan jaǵdaıyna beıimdeýge múmkindik beredi.Óńirlerde mamandardy tartý jáne ustap qalý úshin qoljetimdi baspanamen qamtamasyz etý baǵdarlamalary ázirlenip jatyr. Otbasy bankiniń korporatıvtik baǵdarlamasy aıasynda sońǵy eki jylda kásiporyndardyń 122 qyzmetkeri turǵyn úı kiltin aldy, bul áleýmettik ınfraqurylymdy jaqsartýǵa jáne jumys oryndarynyń tartymdylyǵyn arttyrýǵa yqpal etedi.
Qazaqstannyń hımııa ónerkásibinde bilikti kadrlardyń tapshylyǵyn joıý maqsatynda naqty sharalar iske asyrylyp jatyr. Mysaly, Satbayev University, QazUÝ, QazUTÝ joǵary oqý oryndarynda jáne Taraz hımııa-tehnologııalyq kolledjinde hımııa salasy úshin mamandar daıarlaýǵa baǵyttalǵan memlekettik bilim berý granttary keńeıtildi. Elimizdiń 536 kolledjinde ónerkásiptik kásiporyndarmen birlesip dýaldy bilim berý baǵdarlamalary engizildi, olardyń sheńberinde stýdentter keıinnen jumysqa ornalasa otyryp, óndiristik praktıkadan ótedi.Sondaı-aq, birqatar kásiporyn mamandardy oqytý shyǵyndaryn óz moınyna alady.
Zaýyttar bazasynda oqý ortalyqtary, onyń ishinde operatorlar men tehnologtardy daıarlaý jáne qaıta daıarlaý úshin Qazfosfat qurylyp jatyr. «Bolashaq» baǵdarlamasy jáne tikeleı halyqaralyq áriptestik sheńberinde avtomattandyrýdy, hımııalyq qaýipsizdikti jáne ekologııalyq monıtorıngti qosa alǵanda, salanyń joǵary tehnologııalyq baǵyttary úshin ınjenerlik kadrlar daıarlaý júzege asyrylady.
Bul sharalar ekonomıkanyń hımııalyq sektorynyń ósýi men jańǵyrtylýyn qamtamasyz etýge qabiletti salanyń turaqty kadrlyq áleýetin qalyptastyrýǵa baǵyttalǵan.
Geolog mamandyǵyn dáripteý, geologııalyq sala úshin bolashaq kadrlardy qalyptastyrý sheńberinde JOO túlekteriniń ishinde geologııa salasyna qyzyǵýshylar sanynyń artqany baıqalady. Eger 2022 jyly 1224 maman bitirse, 2024 jyly taý-ken isi jáne geologııa salasyndaǵy mamandyqty 3 myńnan astam maman bitirdi. Sátbaev tehnıkalyq ýnıversıtetiniń derekterine sáıkes, mamandyǵy boıynsha túlekterdiń 98%-y jumysqa ornalasady.
Qazaqstanda memlekettik qyzmetshilerge arnalǵan jasandy ıntellekt kýrsy bastalǵanyn jazǵan bolatynbyz.