Elimizde salynatyn ekinshi AES-ke Moıynqum ataýy beriledi

ASTANA. KAZINFORM – Elimizde salynatyn ekinshi atom elektr stansasyna Moıynqum ataýy beriledi. Bul týraly Atom energetıkasy jónindegi agenttik tóraǵasy Almasadam Sátqalıev málim etti.

- Ekinshi stansa boıynsha sheshim bar. Ol da Balqashta ornalasady. Qazirgi ýaqytta 3 perspektıvaly alań zerttelip jatyr. Talqylaý qorytyndysy boıynsha sizderge naqty qaı jerde ornalasatynyn habarlaımyz. Ekinshi atom stansasynyń jumys ataýy da bar. Ol Moıynqum AES-i dep atalady, - dedi agenttik tóraǵasy Aqordada BAQ ókilderiniń saýalyna oraı.

Onyń málimetinshe, ekinshi stansada da qýaty 1200 Mvt-tyq eki blok salý josparlanǵan.

- Qazirgi ýaqytta seriktesimizben áleýetti vendordy anyqtaý úshin kelissóz júrgizip jatyrmyz. Buǵan deıin aıtqanymyzdaı qytaılyq CNC kompanııasy ekinshi atom elektr stansasynyń qurylysy boıynsha áleýetti seriktes retinde qarastyrylady, - dedi Almasadam Sátqalıev.

Buǵan deıin bolashaqta Qostanaı aýmaǵynda AES salynýy múmkin ekenin jazǵan edik.