Elimizde respýblıkalyq referendým kúni 585 bala dúnıege keldi
ASTANA. KAZINFORM – 2026 jylǵy 15 naýryzda, respýblıkalyq referendým ótken kúni, eldiń medıtsınalyq uıymdarynda 585 náreste dúnıege keldi.
Densaýlyq saqtaý mınıstrliginiń málimetinshe, bir táýliktiń ishinde barlyǵy 583 bosaný qabyldandy, onyń ishinde Aqtóbe jáne Túrkistan oblystarynda 2 egiz tirkeldi.
Jańa týǵan nárestelerdiń ishinde 310 ul jáne 275 qyz bar.
— Balalardyń el úshin mańyzdy kúni dúnıege kelýi — ómirdiń jalǵasýy men Qazaqstannyń bolashaǵynyń nyshany. Árbir jańa azamat — memlekettiń ári qaraı damýyna, ál-aýqaty men órkendeýine degen úmit.
Elimizdiń barlyq óńirinde medıtsına qyzmetkerleri analar men jańa týǵan nárestelerge ýaqtyly ári sapaly medıtsınalyq kómek kórsetip, joǵary biliktilik pen jaýapkershiliktiń úlgisin kórsetti.
Otbasylardy qýanyshtarymen quttyqtaımyz! Sábılerge myqty densaýlyq, baqytty balalyq shaq jáne jarqyn bolashaq tileımiz, — delingen mınıstrlik habarlamasynda.
Aıta ketelik Aqtaýda referendým kúni týǵan sábıge Ata-Zań esimi qoıylǵan edi.