Elimizde Respýblıka kúnine oraı dúkenderde 50%-ǵa deıin jeńildik bolady
ASTANA. KAZINFORM — Respýblıka kúni qarsańynda elimizde merekelik jeńildikter naýqany ótedi. 17 qazannan Astana, Almaty, Shymkent qalalarynda, basqa da óńirlerde Republic Day jáne Bereke Fest respýblıkalyq aktsııalary bastaldy, munda tutynýshylarǵa tómen baǵamen taýarlardyń biraz túri usynylǵan. Keıbir ónimderdi 10%-dan 50%-ǵa deıingi jeńildiktermen satyp alýǵa bolady.
Merekelik usynystardyń eń aýqymdy kezeńi 21-27 qazan aralyǵynda bolady dep josparlanyp otyr. Aktsııalyq baǵdarlamalar, arnaıy baǵa men merekelik jeńildikterdiń basym bóligi dál osy kúnderi ótedi. Tutynýshylar azyq túlik jáne azyq túlik emes taýarlardy tıimdi baǵamen satypalý múmkindigine ıe bolady.
Aýqymdy satylymdar elimizdiń úsh megapolısi men basqa da óńirleriniń tanymal saýda ortalyqtarynda ótedi. Máselen, Astanada Republic Day aktsııasyna MEGA Silk Way, «Han Shatyr», Almatyda MEGA Alma-Ata, MEGA Park jáne Forum Almaty, Shymkentte — Mega Planet pen Shymkent Plaza saýda ortalyqtary qatysady. Al Bereke Fest aıasyndaǵy arnaıy usynystar Magnum, SMALL, «Astyqjan» jáne GraMad saýda jelileriniń dúkenderinde qoljetimdi bolady.
Jalpy respýblıkalyq naýqannyń bastamashylary — Qazaqstan Respýblıkasy Saýda jáne ıntegratsııa mınıstrligi men jergilikti atqarýshy organdar.
Atalmysh aktsııalar ulttyq merekege oraı ótkizilip, halyqqa qajetti taýarlardy qoljetimdi etip, tutynýshylyq suranysty qoldaýǵa, ári ishki saýdaǵa qosymsha serpin berýge baǵyttalǵan. Sonymen qatar otandyq óndirýshilerdi qoldap, ónimderin ótkizý múmkindikterin keńeıtýge basa nazar aýdaryldy.
Merekelik satylymdarǵa qandaı saýda ortalyqtary men dúkender qatysatynyn jergilikti atqarýshy organdardyń (ákimdikterdiń) resmı ınternet-resýrstarynan bilýge bolady.
Republic Day jáne Bereke Fest aktsııalary 27 qazanǵa deıin jalǵasady.
Eske salaıyq, munyń aldynda Astanada Respýblıka kúni qalaı atap ótiletinin jazǵanbyz.
