Elimizde páter baǵasy qansha – óńirlerge sholý
ASTANA. KAZINFORM – Ulttyq statıstıka bıýrosy 2025 jylǵy aqpan aıyndaǵy el óńirlerindegi turǵyn úı quny týraly derekterdi jarııalady.
Ulttyq bıýronyń málimetine sáıkes, Qazaqstan boıynsha ortasha eseppen jańa turǵyn úıdiń 1 sharshy metri 505 075 teńge turady.
Jańa páterlerdiń baǵasy
Eń qymbat páter Almaty qalasynda 1 sharshy metri úshin 589 900 teńge, ekinshi orynda Astana qalasy 1 sharshy metri úshin 581 900 teńge jáne úshtikke Atyraý qalasy kiredi 1 sharshy metri úshin 506 825 teńge. Al qoljetimdi jańa turǵyn úı baǵasy Oralda 1 sharshy metri úshin 284 136 teńge, Aqtóbede 1 sharshy metri úshin 288 203 teńge jáne Kókshetaýda 1 sharshy metri 331 988 teńge turady.
Paıdalanýǵa berilgen páterdi satý baǵasy
Ekinshi naryqtaǵy turǵyn úı baǵasyna kelsek, elimizde páterdi qaıta satý baǵasynyń ortasha quny 1 sharshy metri úshin 531 676 teńge boldy. Eń qymbat ekinshi naryqtaǵy turǵyn úıler Astanada 1 sharshy metri úshin 661 849 teńge, Almatyda 1 sharshy metri úshin 611 821 teńge jáne Atyraýda 1 sharshy metri úshin 482 711 teńge. Eń qoljetimdi baǵa Qyzylordada – 1 sharshy metri úshin 315 877 teńge, Aqtóbede 1 sharshy metri úshin 323 746 teńge jáne Kókshetaý qalasynda 1 sharshy metri úshin 326 589 teńge suraıdy.
Páterdi jaldaý baǵasy
El boıynsha jaıly turǵyn úıdi jaldaýdyń ortasha quny 1 sharshy metri úshin 4 560 teńge.
Eń joǵary jaldaý baǵasy tirkelgen qalalar:
Almaty – 5 480 teńge (1 sharshy metr úshin);
Astana – 5 130 teńge (1 sharshy metr úshin);
Qaraǵandy – 4 349 teńge (1 sharshy metr úshin).
Eń tómengi jaldaý baǵasy tirkelgen qalalar:
Taraz – 2 177 teńge (1 sharshy metr úshin);
Túrkistan – 2 593 teńge (1 sharshy metr úshin);
Aqtóbe – 2 649 teńge (1 sharshy metr úshin).
Turǵyn úı baǵasynyń jyldyq ósimi
Bir jyl ishinde (2024 jylǵy aqpannan 2025 jylǵy aqpanǵa deıin) eldegi turǵyn úı baǵasy aıtarlyqtaı ósti. Onyń ishinde ekinshi naryqtaǵy turǵyn úı baǵasy ortasha eseppen 5,4 paıyzǵa qymbattady, jańa turǵyn úı baǵasy 4,8 paıyzǵa ósti jáne jaldaý aqysy 12 paıyzǵa qymbattady.
Aıta ketsek, bıyl elimizde rekordtyq kólemde turǵyn úı paıdalanýǵa beriledi. Bul týraly taıaýda Úkimet basshysynyń orynbasary Serik Jumanǵarın málim etken edi.