Elimizde parnıktik gazdar shyǵaryndylary 17%-ǵa qysqartylady
ASTANA. KAZINFORM – Ekologııa máselesinde halyqaralyq yntymaqtastyq nazardan tys qalmaıdy. Bul jóninde Úkimet otyrysynda QR Ekologııa jáne tabıǵı resýrstar mınıstri Erlan Nysanbaev málimdedi.
– Jahandyq yntymaqtastyq sheńberinde halyqaralyq jáne óńirlik uıymdarmen ózara is-qımyl jalǵasyp jatyr. Qabyldanǵan mindettemelerge sáıkes, parnıktik gazdar shyǵaryndylaryn azaıtý jáne jańartylatyn energııa kózderin damytý boıynsha jumystar júrgizilip keledi, – dedi ol.
Sondaı-aq E. Nysanbaev parnıktik gazdar shyǵaryndylary azaıtylatynyn atap ótti.
– Klımattyń ózgerýine jahandyq den qoıý jónindegi jańartylǵan ulttyq úles bekitildi. Onyń aıasynda parnıktik gazdardyń shyǵaryndylaryn 2035 jylǵa qaraı 1990 jylǵy deńgeıden 17%-ǵa qysqartý kózdelgen, – dedi mınıstr.
Sonymen birge ol Ortalyq Azııanyń ekologııalyq jáne klımattyq
máselelerin talqylaý maqsatynda BUU-men birlesip Óńirlik ekologııalyq sammıtti ótkizý josparlanyp otyrǵanyn atap málimdedi.
Buǵan deıin habarlaǵanymyzdaı, Úkimet otyrysynda jyl basynan elimizde qylmys sany 8 paıyzǵa azaıdy.