Elimizde orman órti kóbeıdi: turǵyndarǵa eskertý jasaldy
ASTANA. KAZINFORM — 10 shildede elimizdiń memlekettik orman qory aýmaǵynda 5 orman órti tirkeldi. Bul týraly Ekologııa mınıstrligi málim etti.
Mınıstrliktiń málimetinshe, Qostanaı, Pavlodar oblystarynda sondaı-aq Katon – Qaraǵaı MUTP–ta, «Semeı ormany» MOTR, «Jasyl Aımaq» RMK–da shyqqan órt oqshaýlanǵan.
— Búgingi órt oshaqtary «Qazavıaormanqorǵaý» RMQK-nyń áýe patrýldeý barysynda jáne erte anyqtaý júıeleri arqyly anyqtalyp, orman kúzeti men «Qazavıaormanqorǵaý» RMQK-nyń áýe órt sóndirý desanttary az ýaqyt ishinde oqshaýlaý jumystaryna kiristi, — dep habarlady vedomstvodan.
Arnaıy tehnıkalar men tikushaq jumyldyrylyp nátıjesinde aýmaqqa taralý qaýpinsiz órt oshaqtary jedel sóndirildi.
— Respýblıka boıynsha aptap ystyqtyń kútilýine baılanysty órt qaýipti kezeńde tabıǵat aıasynda demalýshylardy órt qaýipsizdik talaptaryn qatań saqtaýǵa shaqyramyz, — dep eskertti Ekologııa mınıstrligi.
Aıta keteıik, orman men ulttyq parkterdi órtten qorǵaýǵa 16,9 mlrd teńge baǵyttaldy.
