Elimizde óndiristen qalǵan kúl nege óńdelmeıdi

ASTANA. KAZINFORM — Úkimet otyrysynda Energetıka mınıstri Erlan Aqkenjenov elimizde óndiristen qalǵan kúl nege óńdelmeıtinin aıtty.

— Qazaqstanda kúldi qaıta óńdeýmen aınalysatyn kásiporyndar az. Óńdeýdi yntalandyratyn memlekettik baǵdarlamalar nemese ekonomıkalyq yntalandyrýlar joq. Kúldi tıimdi paıdalaný úshin jınaý jáne logıstıka júıesi de joq.
Qurǵaq kúldi joıý úshin modernızatsııaǵa ınvestıtsııa jáne kúldiń úlken kólemin óńdeýge daıyn tıimdi tutynýshy qajet. Ónerkásip tarapynan suranys bolmasa, mundaı tehnologııalardy engizý tıimsiz bolyp qala beredi, — dedi mınıstr.

Onyń sózinshe, munaı qaldyqtaryn óńdeý jumystary da keıingi
jyldyń kóleminde artqan.

— «Qarajanbasmunaı», «ÓzenMunaıGaz», «MańǵystaýMunaıGaz» jáne «EmbiMunaıGaz» kompanııalarynyń nysandarynda tarıhı munaı qaldyqtaryn kádege jaratý jáne lastanǵan jerlerdi tazartý jumystaryn «QazMunaıGaz» UK» AQ júrgizýde. 2018 — 2024 jyldar aralyǵynda shamamen 4,5 mln. tonna tarıhı munaı qaldyqtary óńdeldi, onyń 1 mln. tonnaǵa jýyǵy 2024 jyly óńdeldi. Qaldyqtardyń kólemin azaıtý, qaıta óńdeý deńgeıin arttyrý jáne qorshaǵan ortaǵa áserin barynsha azaıtý boıynsha keshendi sharalardy júzege asyrý jalǵasýda, — dedi Erlan Aqkenjenov.

Sondaı-aq, búgingi otyrysta Premer-mınıstr Oljas Bektenov Ekologııa jáne tabıǵı resýrstar mınıstrliginiń qoqys polıgondaryn salý baǵdarlamasyn baıaý iske asyryp jatqanyn aıtyp, synady.