Elimizde óńdeý ónerkásibidegi ósim men ınvestıtsııalyq belsendilik artty
ASTANA. KAZINFORM — Qańtar-jeltoqsan aılarynyń qorytyndysy boıynsha óńdeý ónerkásibiniń jıyntyq ósim kórsetkishi 6,4%, buǵan respýblıka boıynsha qoldanystaǵy qýattardy keńeıtý jáne iri ınvestıtsııalyq jobalardy júzege asyrý yqpal etti. Bul týraly Úkimettiń baspasóz qyzmeti habarlady.
Qazaqstan Respýblıkasynyń Prezıdenti Qasym-Jomart Toqaevtyń óńdeý ónerkásibin damytý, ekonomıkany ártaraptandyrý jáne ınvestıtsııa tartý jónindegi tapsyrmalaryn júzege asyrý sheńberinde 2025 jyly negizgi salalarda turaqty ósim qamtamasyz etildi.
Ónerkásiptik ósý: negizgi salalardyń úlesi
Óńdeý ónerkásibiniń kóptegen sektorynda oń dınamıka tirkeldi. Eń joǵary ósý qarqynyn mashına jasaý (+12,9%), hımııa ónerkásibi (+9,8%), qurylys materıaldary óndirisi (+9,7%), daıyn metall buıymdaryn óndirý (+13,6%) jáne jeńil ónerkásip (+13,2%) salalary kórsetti. Ósim metallýrgııada (+1,2%) jáne rezeńke jáne plastmassa buıymdary (+7,6%), qaǵaz óndirisi (+5,3%) sasalarynda baıqaldy.
Metallýrgııa: qaıta óńdeýge jáne eksporttyq áleýetke nazar aýdarý
Metallýrgııa ónerkásibinde óndiris kólemi qara metallýrgııanyń (+4,3%) ósýine baılanysty 1,2%-ǵa artty. Ferroqorytpalar, shoıyn, bolat, prokat jáne qubyr ónimderin óndirý kólemi ulǵaıtyldy.
2025 jyly salada jalpy ınvestıtsııa kólemi 306,6 mlrd teńge bolatyn 20 ınvestıtsııalyq joba júzege asyrylyp, 4 427 jumys orny ashyldy.
Negizgi jobalar qatarynda Qaraǵandy oblysyndaǵy «TEMPO–Kazahstan» JShS túzý jikti bolat qubyrlar óndirý, Shymkenttegi «QazAlPack» JShS kásiporny qýaty jylyna 2,1 mlrd alıýmınıı qaptamasyn shyǵarý jáne basqa da osy jobalar bar. Mundaı jobalar qaıta óńdeýdi tereńdetýge jáne eksporttyq nomenklatýrany keńeıtýge baǵyttalǵan.
Mashına jasaý– ındýstrııalandyrýdyń negizgi draıveri
Mashına jasaý salasy 12,9% deńgeıinde ósim kórsetti, buǵan avtomobıl jasaý, aýyl sharýashylyǵy mashınalaryn jasaý, elektr jabdyqtaryn, sondaı-aq kompıýterler men elektrondyq buıymdar óndirý yqpal etti.
Jyl ishinde quny 655,5 mlrd teńge bolatyn 38 joba júzege asyryldy, 9 967 jumys orny ashyldy. Olardyń qatarynda Almatyda Chery, Changan, Haval jáne Tank kólikterin shyǵaratyn Astana Motors Manufacturing Kazakhstan kásipornynyń iske qosylýy, sondaı-aq Qostanaı oblysyndaǵy KIA Qazaqstan zaýyty bar. Sonymen qatar óńirde jobalyq qýaty jylyna 74 myń birlik júk tehnıkasyna arnalǵan redýktorlar shyǵaratyn «KamLitKZ» JShS zaýyty paıdalanýǵa berildi.
Hımııa ónerkásibi: negizgi hımııa men qaptamany damytý
Hımııa ónerkásibi polıpropılen, ammofos jáne ammonıı nıtratyn arttyrý arqyly 9,8% ósimdi kórsetti.
2025 jyly ınvestıtsııa kólemi 74,5 mlrd teńge bolatyn 13 joba paıdalanýǵa berildi, 932 jumys orny quryldy. Olardyń qatarynda Almaty oblysynda suıyq shyny óndirý boıynsha «Hong Shun» JShS kásiporny, Batys Qazaqstan oblysynda metıletanol shyǵarý boıynsha «Sıntez Oral» JShS zaýyty, sondaı-aq Túrkistan oblysynda «QazEcoPack» JShS býyp-túıý materıaldaryn óndirý bar.
Qurylys materıaldary jáne qaıta óńdeý: ınfraqurylymdyq jobalardy qoldaý
Qurylys materıaldarynyń óndirisi tsement, taýarlyq beton, eritindiler, ák jáne qurama beton konstrýktsııalarynyń óndirisiniń ósýine baılanysty 9,7%-ǵa ósti. Bul dınamıka búkil el boıynsha ınfraqurylymdyq jáne turǵyn úı jobalaryn júzege asyrýmen baılanysty.
Sonymen qatar ósi rezeńke jáne plastmassa buıymdaryn, qaǵaz ben kartondy, sondaı-aq ishki naryqqa jáne ımportty almastyrýǵa baǵyttalǵan daıyn metall buıymdaryn óndirýde tirkeldi.
Jeńil ónerkásip: óńirlik óndiristerdi damytý
Jeńil ónerkásip toqyma jáne bylǵary ónimderin shyǵarýdy arttyrý arqyly 13,2% - ǵa ósti.
Salada 24,4 mlrd teńge somasyna 13 ınvestıtsııalyq joba júzege asyryldy, 634 jumys orny ashyldy. Negizgi jobalardyń qatarynda Aqtóbe oblysyndaǵy «KazFeltec» JShS, Atyraý oblysyndaǵy «Grand Materık» JShS jáne Shymkenttegi «Marvik partners» JShS toqyma emes jáne býyp-túıý materıaldaryn shyǵarýǵa baǵyttalǵan jobalary bar.
2025 jyldyń qorytyndysy óńdeý ónerkásibi Qazaqstannyń ekonomıkalyq ósýiniń negizgi draıverleriniń biri bolyp qala beretinin rastady. Prezıdent tapsyrmalaryn dáıekti oryndaý, ınvestıtsııalyq jobalardy júzege asyrý jáne jańa óndiristerdi iske qosý ornyqty ónerkásiptik bazany qalyptastyrady, óńirlerde jumys oryndaryn ashady jáne otandyq ónimniń básekege qabilettiligin arttyrady.
Aıta ketelik