Elimizde ólim kórsetkishi 4,2% tómendedi

ASTANA. KAZINFORM – QR Densaýlyq saqtaý mınıstrliginde qurylymdyq bólimsheler, respýblıkalyq jáne ǵylymı ortalyqtar, óńirlik densaýlyq saqtaý basqarmalary basshylarynyń qatysýymen 2025 jyldyń birinshi jartyjyldyǵyndaǵy vedomstvo qyzmetiniń qorytyndysy boıynsha alqa otyrysy ótti.

Monıtorıng nátıjeleri boıynsha densaýlyq saqtaý salasyndaǵy memlekettik baǵdarlamalardy iske asyrýdyń tıimdiligin kórsetetin negizgi kórsetkishter boıynsha oń dınamıka atap ótildi.

Jalpy ólim 2024 jyldyń sáıkes kezeńimen salystyrǵanda 4,2%-ǵa tómendedi - 1000 turǵynǵa shaqqanda 6,46-dan 6,35 jaǵdaıǵa deıin. Bul nátıje búkil el boıynsha medıtsınalyq kómektiń qoljetimdiligin, sapasyn jáne jedeldigin jaqsartý jónindegi júıeli sharalardyń arqasynda múmkin boldy.

Negizgi jetistikter:

Ana ólimi 10%-ǵa tómendedi - 100 000 tiri týǵandarǵa shaqqanda 12-den 10,8 jaǵdaıǵa deıin.

Sábıler ólimi 7,4 nysanaly kórsetkishpen 1000 tiri týǵanǵa shaqqanda 5,94 quraı otyryp, 26,3% qysqardy.

Neonataldyq ólim 23,8% azaıdy - 1000 tiri týǵandarǵa shaqqanda 4,2-den 3,2-ge deıin.

Balalardyń arasyndaǵy ólim jospar boıynsha 9,75 kezinde 7,3 bol dy - turaqty oń dınamıka.

Reanımatsııalyq is-sharalardyń tabystylyǵy 8,3% ósip, 2024 jyldyń birinshi jartyjyldyǵynda 51,8%-ǵa qaraǵanda 60%-ǵa jetti.

JKO saldarynan ólim josparlanǵan 11,7 deńgeıinde 100 000 turǵynǵa shaqqanda 8,46-ǵa deıin tómendedi.

Statıstıkalyq bazany jáne derekter dáldigin nyǵaıtý

Bul nátıjelerge qol jetkizýdiń mańyzdy quramdas bóligi medıtsınalyq statıstıkanyń sapasyn jaqsartý boldy.

– Mınıstrlik ólim sebepterin kodtaý bóliginde medıtsına qyzmetkerleriniń biliktiligin arttyrý boıynsha keshendi jumysty iske asyrdy, sondaı-aq Ulttyq ǵylymı densaýlyq saqtaýdy damytý ortalyǵynyń janynan Kodtaý bıýrosyn qurdy, - delingen mınıstrlik habarlamasynda.

Aıta keteıik, elimizde týberkýlez dertinen ólim-jitim 20 paıyzǵa tómendedi.