Elimizde obyrdy erte dıagnostıkalaý keńeıtilip jatyr
ASTANA.KAZINFORM - Elimizde onkologııalyq kómekti damytý sheńberinde dáldigi joǵary dıagnostıkanyń múmkindikteri keńeıtilip jatyr. 2026 jyldyń birinshi jartyjyldyǵynda 17,4 myń PET/KT zertteýi júrgizildi. Bul ótken jyldyń sáıkes kezeńimen salystyrǵanda 21,6%-ǵa kóp.
Densaýlyq saqtaý mınıstrligi málimetinshe, ımmýnogıstohımııalyq zertteýlerdiń sany da aıtarlyqtaı artty. 2024 jylǵy 33,6 myńnan 2025 jyly 65,1 myńǵa deıin ósti. Bul zertteýler isiktiń erekshelikterin anyqtaýǵa jáne emdeýdiń neǵurlym dál taktıkasyn tańdaýǵa múmkindik beredi.
Іsikteri bar patsıentter sáýlelik terapııanyń zamanaýı túrlerimen qamtamasyz etilip jatyr. Bul emdeý túrimen qamtý 65%-ǵa deıin keńeıdi. Qazaqstanda Ulttyq ǵylymı onkologııa ortalyǵynyń jańa korpýsy iske qosylǵannan keıin alǵash ret protondyq terapııa qoljetimdi boldy. 2026 jyldyń birinshi jartyjyldyǵynda 3 897 protondyq terapııa emsharasy jáne 9 239 sáýlelik terapııa seansy júrgizildi.
2026 jyldyń birinshi jartyjyldyǵynda halyqty onkologııalyq skrınıngtermen qamtý kórsetkishi 37,6%-dan 41,7%-ǵa deıin ósti.
2025 jyly óńirlerdiń basym bóligindegi onkologııa ortalyqtary jalpy somasy 27 mlrd teńgeden astam zamanaýı medıtsınalyq jabdyqtarmen qamtamasyz etildi.
2026 jyldyń sońyna deıin onkologııalyq qyzmettiń ınfraqurylymyn odan ári damytý josparlanyp otyr. Onyń ishinde dáldigi joǵary dıagnostıka boıynsha alǵashqy referens-ortalyqtardy, Qaraǵandy oblysynda jańa PET/KT ortalyǵyn iske qosý jáne óńirlik medıtsınalyq uıymdardy qosymsha jaraqtandyrý kózdelgen.
Negizgi mindet – aýrýdy erte anyqtaýdan bastap naqty dıagnoz qoıýǵa jáne ýaqtyly zamanaýı em júrgizýge deıingi patsıenttiń jolyn qysqartý, medıtsınalyq tehnologııalardyń turǵylyqty jerine qaramastan qoljetimdiligin qamtamasyz etý.
Onkologııalyq kómekti damytý Onkologııalyq aýrýlarmen kúrestiń 2023–2027 jyldarǵa arnalǵan keshendi josparynyń sheńberinde júzege asyrylyp jatyr.
Aıta keteıik, Qazaqstanda ókpe obyryn erte anyqtaıtyn jańa skrınıng iske qosyldy.
