Elimizde obyrdy erte anyqtaý men emdeý tıimdiligi artyp keledi
ASTANA. KAZINFORM — Onkologııalyq aýrýlarmen kúres jónindegi keshendi jospardy iske asyrý sheńberinde 5 jyldyq ómir súrý kórsetkishi 16%-ǵa artty, sáýlelik terapııamen qamtý 13%-ǵa ósti, al obyrdy erte anyqtaý deńgeıi 4%-ǵa kóbeıdi. Bul týraly Astana qalasyndaǵy Kópbeıindi medıtsınalyq ortalyqqa barǵan sapary barysynda Densaýlyq saqtaý mınıstri Aqmaral Álnazarova málimdedi, dep vedomstvonyń baspasóz qyzmeti jazdy.
Vedomstvo basshysy ortalyqtyń negizgi bólimsheleriniń jumysymen, onkologııalyq aýrýlardy dıagnostıkalaý men emdeýdiń zamanaýı tehnologııalaryn engizýmen, sondaı-aq densaýlyq saqtaý júıesindegi tsıfrlyq sheshimdermen tanysty.
— Mınıstrge sáýlelik terapııa júrgizýge arnalǵan KT-sımýlıatordyń, saý tinderdi barynsha saqtaı otyryp, joǵary dáldiktegi sáýlelik terapııa jasaýǵa múmkindik beretin TrueBeam apparatynyń, sondaı-aq medıtsınalyq beınelerdi taldaýǵa jáne dárigerlik sheshim qabyldaýdy qoldaýǵa arnalǵan Cerebra jasandy ıntellekt júıesiniń múmkindikteri tanystyryldy. Bul júıe, sonymen qatar, mıdyń qan aınalymynyń jedel buzylystaryn dıagnostıkalaý kezinde de qoldanylady, — delingen habarlamada.
Sút bezi obyryn erte anyqtaýdyń tıimdiligin arttyrý maqsatynda dıagnostıkalyq jabdyqtary jańǵyrtylǵan Mammologııalyq ortalyqtyń jumysyna erekshe nazar aýdaryldy. Jobany iske asyrý patsıentterdi tekserý men emdeý merzimderin qysqartýǵa da baǵyttalǵan.
Sonymen qatar mınıstr dıagnostıkalyq jáne emdik endoskopııalyq aralasýlardyń keń spektri júrgiziletin Endoskopııalyq ortalyqty da aralap kórdi. Ótken jyly bólimshede endoskopııalyq jabdyqtar parki jańartylyp, kúrdeli jóndeý júrgizilgen. Bul patsıentter úshin zamanaýı jaǵdaı jasap, az ınvazıvti emdeý ádisteriniń múmkindikterin keńeıtýge yqpal etti.
— 2025 jylǵy qarashada Astanadaǵy jańa onkologııa ortalyǵynyń bazasynda Protondyq terapııa ortalyǵy ashyldy. Qazirgi ýaqytta munda 38 patsıent em qabyldaýda. Sondaı-aq Qyzylorda jáne Aqtaý qalalarynda eki jańa PET/KT ortalyǵy paıdalanýǵa berildi (jalpy sany — 16 ortalyq), onda 280 zertteý júrgizilgen, — delingen vedomstvonyń baspasóz qyzmeti.
Barlyq óńirlerde saraptamalyq endoskopııalyq ortalyqtar ashylyp, ótken jyly onda 15 myńnan astam zertteý júrgizildi, al emdik manıpýlıatsııalar sany 4,5 myńǵa artty.
Sapar qorytyndysy boıynsha mınıstr joǵary tehnologııalyq ınfraqurylymdy damytý, tsıfrlyq sheshimderdi engizý jáne jasandy ıntellekt tehnologııalaryn onkologııada ǵana emes, jalpy medıtsınada qoldaný medıtsınalyq kómektiń sapasyn, dıagnostıka men emdeýdiń tıimdiligin edáýir arttyrýǵa múmkindik beretinin, sondaı-aq eldegi onkologııalyq kómekti halyqaralyq zamanaýı standarttarǵa sáıkes nyǵaıtatynyn atap ótti.
Eske sala keteıik, búgin Memleket basshysy Densaýlyq saqtaý mınıstri Aqmaral Álnazarovany qabyldap, otandyq farmatsevtıka ónerkásibin órkendetý boıynsha birqatar tapsyrma berdi.