Elimizde New York Film Academy kampýsy ashyldy: stýdentterdi oqýǵa qabyldaý bastaldy
ASTANA. KAZINFORM – Qazaqstanda New York Film Academy (NYFA) fılıaly óz jumysyn bastady. Bul týraly Ǵylym jáne joǵary bilim mınıstrligi habarlady.
Bul – AQSh-tan tys úshinshi NYFA kampýsy jáne Qazaqstanda ashylǵan álemdik deńgeıdegi alǵashqy shyǵarmashylyq ýnıversıtet.
Qyzmetti bastaý týraly kelisimge qol qoıýdyń onlaın-rásimi 1 naýryzda Energo University-diń alańynda QR Ǵylym jáne joǵary bilim mınıstri Saıasat Nurbek pen New York Film Academy prezıdenti Maıkl ıAngtyń qatysýymen ótti.
Álemge áıgili akademııanyń fılıalynda oqý osy jyldyń 29 qyrkúıeginde Almaty mańyndaǵy Qaskeleń qalasyndaǵy Energo University-diń Kreatıvti ındýstrııalar parkiniń aýmaǵyndaǵy zamanaýı kampýsta bastalady.
Fılıalda oqytýdy AQSh-tan arnaıy keletin NYFA kásibı dáriskerleri bir jyldyq jáne qysqa merzimdi oqý baǵdarlamalary aıasynda bes baǵyt boıynsha júrgizedi: Kıno (Filmmaking); Prodıýserlik etý (Producing); Stsenarıılik is (Screenwriting); Anımatsııalaý jáne vızýaldy áserler (3D animation & VFX); Oıyn ázirleý (Game design).
Akademııanyń alǵashqy qabyldaýyna Qazaqstannan jáne óńirdiń kórshi elderinen (Qytaı, Úndistan, Reseı jáne t.b.) 200-ge deıin stýdent qabyldaý josparlanyp otyr. Oqýdy bitirgennen keıin túlekter Amerıka ýnıversıtetiniń dıplomdaryn jáne Nıý-Iorkte nemese Los-Andjeleste oqýyn jalǵastyra alady.
Qosymsha aqparat alý úshin JOO-nyń qabyldaý komıssııasyna (+77076006493), sondaı-aq Almatydaǵy NYFA resmı ókiline (+77019990321) habarlasýǵa bolady.