Elimizde negizgi salalardyń ekonomıkalyq ósýiniń aldyn ala qorytyndylary qaraldy

ASTANA. KAZINFORM — Elimizdegi kásiporyndardyń mıkroekonomıkasyna basa nazar aýdarý ósýdiń joǵary qarqynyn saqtaýǵa múmkindik beredi. Bul týraly Premer-mınıstrdiń orynbasary — Ulttyq ekonomıka mınıstri Serik Jumanǵarın aıtty.

Vıtse-premerdiń tóraǵalyǵymen ótken ekonomıkalyq ósýdi qamtamasyz etý jónindegi shtab otyrysynda 9 aıdaǵy negizgi salalardyń ekonomıkalyq ósýiniń aldyn ala qorytyndylary qaraldy. 

Aýyl sharýashylyǵy

2025 jylǵy 8 aıdyń qorytyndysy boıynsha jalpy ónim 3,4% artty. Shamamen 3,6 trln teńge. 9 aıdaǵy boljam — 2,3% ósý.

Ósý mal sharýashylyǵymen (+3,2%, 2,26 trln teńge) jáne ósimdik sharýashylyǵymen (+4%, 1,25 trln teńge) qamtamasyz etilgen. Ósýdiń kezekti kezeńi qazanda dándi, maıly jáne basqa da daqyldy jalpy jınaý esebinen bolýy tıis.

Qaıta óńdeý jáne tamaq ónerkásibi

Azyq-túlik óndirisi 8 aıda 10,1% (2,5 trln teńgege deıin), sýsyn óndirisi — 7,1% (813 mlrd teńge) ósti.

Ósý qant (24%, 122,8 myń tonnaǵa deıin), et konservisi (29,7%, 5,8 myń tonnaǵa deıin), ósimdik maıy (27%, 595 myń tonnaǵa deıin), shujyq ónimi (8,8%, 51,2 myń tonnaǵa deıin), sary maı (15%, 25,2 myń tonnaǵa deıin) óndirisiniń artýy esebinen júzege asyryldy.

9 aıdyń qorytyndysy boıynsha azyq-túlik óndirisiniń 10,9%, sýsyndardyń 7% ósýi josparlanǵan.

Taý-ken ónerkásibi

Qańtar-tamyzda 67,4 mln tonna munaı óndirildi (2024 jylǵy sáıkes kezeńde +13,4%). Teńizde munaı óndirýdiń aıtarlyqtaı ósýi baıqalady (2024 jylǵa qaraı +26,83 mln tonna nemese +42%). Qarashyǵanaqta osy ýaqyt ishinde 8,38 mln tonna (+4,6%) óndirildi. Qashaǵanda óndiris 1,9%, 12,16 mln tonnaǵa deıin tómendedi. Óndiristiń tómendeýi jóndeý jumysymen baılanysty.

Toǵyz aıǵa boljam: munaı óndirý — 75,6 mln tonna (+13%), gaz óndirý — 51,6 mlrd m3 (+17%). Gaz boıynsha 2025 jylǵa arnalǵan jospar — 62,8 mlrd m3 (+6,4%).

Segiz aıdaǵy munaı óńdeý 12,2 mln tonna (+5,6%), qyrkúıektiń sońyna qaraı 14 mln tonna (+5,9%) bolýy tıis. Munaı ónimin óndirý segiz aıda — 10,2 mln tonna (+8,7%), bir jylda — 13,7 mln tonna.

Munaı-gaz hımııasy: 418,9 myń tonna (+5%), bir jylǵa boljam — 590 myń tonna (+9,3%).

Saýda

8 aıdaǵy saýda 8,9% ósip, 44,9 trln teńgeni qurady. Aqshalaı túrde bul ótken jylmen salystyrǵanda 14% joǵary. Negizgi úlesti Almaty (15,5 trln teńge), Astana (6,6 trln), Atyraý (4,8 trln), Qaraǵandy (2,8 trln) oblystary jáne Shymkent (2,2 trln) qosty.

Ósý negizinen kóterme saýda esebinen qamtamasyz etildi (+3,5 trln teńge, ótken jylǵa 109,8%). Onyń qurylymynda azyq-túlikke jatpaıtyn taýardyń úlesi 80%-dan 82%-ǵa deıin ósti (Munaı jáne munaı ónimderi, farmatsevtıka, metallýrgııa, tehnıka, avtokólik). Azyq-túlik taýarynyń úlesi 18% (astyq, maılar, tamaq ónimi, sýsyn).

Bólshek saýdada qurylym saqtaldy: 68% azyq-túlikke jatpaıtyn taýarǵa (+1,4 trln), 32% — azyq-túlik taýaryna (+0,6 trln) tıesili.

Kólik jáne logıstıka

Kólik salasy ekonomıkanyń jaı-kúıin dálme-dál kórsetedi. Kóp kórsetkish boıynsha ósý bar. Qańtar-tamyzda kólik jáne qoımalaý salasynda kórsetilgen qyzmet kólemi 21,5%, 9 aıǵa boljam — 21,6% ósti.

Ósý taý-ken-metallýrgııa, munaı-gaz, agrarlyq, qurylys jáne saýda sektorynda júk tasymalynyń ósýi arqyly qamtamasyz etilýde.

9 aıda jolaýshy tasymaly +7,8% (1,36 mlrd adam) bolýy múmkin.

Júk jóneltýde ósýdi kórsetkender: ERG (+3%), Bogatyr Kómir (+2%), MÓZ (+3%), Qarmet (+11%), Kaz Minerals (+1%).

Óńdeý ónerkásibi

Qańtar-tamyzda ósý — 6,1%. Metallýrgııa, mashına jasaý, hımııa, jeńil ónerkásip, qurylys materıaly, rezeńke-plastıkalyq buıym, jıhaz óndirisinde oń dınamıka saqtalýda.

Qurylys

Qańtar-tamyzda 4,8 trln teńgeniń jumysy oryndaldy (NKI 118,1%). 9 aıǵa boljam — 17,7% ósý.

Shtab otyrysynyń qorytyndysy boıynsha Serik Jumanǵarın taıaý kezeńdegi barlyq salalardyń negizgi mindeti mıkroekonomıkamen belsendi aınalysý ekenin atap ótti. ıAǵnı ósý qarqynynyń tómendeýine jol bermeý úshin saladaǵy árbir kásiporynnyń máselelerin sheshý qajet.

Aıta keteıik, buǵan deıin vıtse-premer jalpy ishki ónimdi 2029 jylǵa qaraı eki ese arttyrý mindeti turǵanyn aıtqan bolatyn.