Elimizde naýryz meıramynda poıyzǵa bılet tabý jeńildeıdi
ASTANA. KAZINFORM — Naýryz meıramy qarsańynda temirjol tasymalyna 35 myń qosymsha oryn ashylady, dep habarlaıdy Kólik mınıstrliginiń baspasóz qyzmeti.
Naýryz meıramy kezeńinde jolaýshylar aǵynynyń artýyna baılanysty «Jolaýshylar tasymaly» AQ 20 reıske úsh qosymsha poıyz taǵaıyndaıdy, sondaı-aq suranysy joǵary baǵyttarda qatynaıtyn qoldanystaǵy poıyzdar quramyna qosymsha 230-ǵa jýyq tirkeme vagon engizedi. Nátıjesinde jolaýshylarǵa 35 myń qosymsha oryn usynylady. Qabyldanǵan sharalar mereke kúnderinde bılet qoljetimdiligin arttyrýǵa baǵyttalǵan.
Qosymsha poıyzdar qozǵalysy
№201/202 «Almaty-2 – Astana-1»
- Almaty-2 stantsııasynan: 20, 22, 24, 26, 28, 30 naýryz;
- Astana-1 stantsııasynan: 21, 23, 25, 27, 29, 31 naýryz.
Barlyǵy — 6 reıs.
№204/203 «Astana Nurly jol – Shymkent»
- Nurly jol stantsııasynan: 19, 20, 22, 23, 25, 26, 28, 29 naýryz;
- Shymkent stantsııasynan: 21, 22, 24, 25, 27, 28, 30, 31 naýryz.
Barlyǵy — 8 reıs.
№205/206 «Aqtóbe – Astana Nurly jol»
- Aqtóbe stantsııasynan: 19, 21, 23, 25, 27, 29 naýryz;
- Nurly jol stantsııasynan: 20, 22, 24, 26, 28, 30 naýryz.
Barlyǵy — 6 reıs.
Bıletterdi bilet.railways.kz resmı saıtynan jáne temirjol vokzaldarynyń kassalarynan satyp alýǵa bolady.
Osyǵan deıin «Jolaýshylar tasymaly» AQ poıyzda jolaýshy ózin jaısyz sezingen jaǵdaıda qandaı áreket jasaý qajet ekenin eske saldy.
