Elimizde munaıdan túsken tabys qaıda ketip jatyr

ASTANA. KAZINFORM – Qazaqstanda munaıdan túsetin tabys qaıda jumsalyp jatyr? Qarapaıym halyq paıdany qalaı sezinedi? Bul saýaldarǵa táýelsiz sarapshy, Energy analytics kanalynyń avtory Abzal Narymbetov jaýap berdi.

Елімізде мұнайдан түскен табыс қайда кетіп жатыр
Коллаж: Kazinform / Freepik / Midjourney

- 2024 jyly bıýdjet 27 trln teńge paıda kórdi, 30 trln teńge ustaldy, 3 trln teńge defıtsıt bar. Onyń ishinde 10-12 trln teńge ulttyq qorǵa túsedi. Sonymen qatar munaı kompanııalary respýblıkalyq bıýdjetke, odan qalsa jergilikti bıýdjetke jiberedi. Sondyqtan 27 trln teńgeniń jartysyn munaıdan keletin tabys dep aıtýǵa bolady. Al 30 trln teńge jaratylǵan aqshanyń jartysy áleýmettik baǵytqa jumsalady, ıaǵnı jalaqy, zeınetaqy taǵy basqa. Mysaly, «Jaıly mektep» jobasy, oǵan qarjy tikeleı ulttyq qordan bólinip otyr, odan qalsa jol salý, - dedi sarapshy. 

Sondaı-aq ol munaıǵa suranys azaıǵan jaǵdaıda qandaı qadamǵa barýǵa bolatyny týraly oıyn ortaǵa saldy. 

- Munaıǵa suranys azaıyp, usynys kóbeıgen kezde onyń baǵasy tómendeıdi. Biz ártaraptandyrý saıasatyn jalǵastyrýymyz kerek, orta jáne shaǵyn bıznesti keńeıtý qajet, óndiristi kóbeıtý kerek. Bizde aýyl sharýashylyǵy - ashylmaǵan eń úlken potentsıal. Egis alqaby boıynsha dúnıejúzinde 28-29 orynda bolsaq, adam basyna shaqqanda negizi birinshi oryndamyz. Dúnıejúzinde egin egetin bos, qunarly jer az. Al bul - úlken baǵyt. Qytaıdyń ózi 70 mln gektar jeri bolsa da adam basyna shaqqanda bizden tómen. Adamdar tabıǵı ónimge kóship jatyr, ol óse beredi, biz sonyń ishinde alǵashqy 5 el ishine kire alamyz. Sondyqtan munaıdan kelgen tabysty barynsha aýyl sharýashylyǵyna, eginshilikke salǵan durys, - deıdi Abzal Narymbetov.

Buǵan deıin Energy analytics kanalynyń avtory Abzal Narymbetov munaı óndirisiniń kólemine qatysty statıtıska boıynsha pikir bildirgen edi.

Sonymen qatar Abzal Narymbetov qazaqstandyq munaıdy syrtqa tasymaldaýdyń balamaly jolyn atady.

Сейчас читают