Elimizde memlekettik sý qoıma, bógetteriniń qatary kóbeıdi

ASTANA. KAZINFORM – Úkimet 2024 jylǵy 20 qarashadaǵy qaýlysymen respýblıkalyq menshiktegi sý qoımalary, bógetter men sý toraptary tizbesine tolyqtyrýlar engizdi. Buǵan deıin tizimge 212 obekti engen, al qazir 232 obektige tolyqty.

Sý sharýashylyǵy qurylystary tizbesine (sý qoımalary, bógetter, sý toraptary, basqa da gıdrotehnıkalyq qurylystar jatady) qosyldy:

- Tamdy ózenindegi Jartas sý qoımasy;

- Jelqýar ózenindegi Jelqýar sý qoımasy;

- Sholaqanqaty ózenindegi Sholaqanqaty sý qoımasy;

- Sulýsaı ózenindegi Sulýsaı sý qoımasy;

- Embýlatov ózenindegi Embýlatov sý qoımasy.

Sondaı-aq, tizim jańa obektilermen tolyqtyryldy:

- Qylshaqty ózenindegi «Şýche saıajaılary» bógeti;

- Batpaqkól kólindegi «Batpaqkól» bógeti;

- Esil ózenindegi «Bezymıannaıa» bógeti;

- Aıdabol ózenindegi Aıdabol bógeti;

- Chaglınka ózenindegi Alekseev bógeti;

- Qabyrga ózenindegi «Albarboget» bógeti;

- Shar ózenindegi sý toraby;

- Eginsý ózenindegi sý toraby;

- Úrjar ózenindegi sý toraby;

- Katynsý ózenindegi sý toraby;

- Shelimbaı aǵynyndaǵy sý tartý qurylysy;

- Byjy ózenindegi «Staryı Kýshýk» sý jınaý sý toraby;

- Jamanty ózenindegi sý tartý toraby;

- Qaratal ózenindegi sý bógeti;

- Zvezdnyı aýyldyq okrýginiń sý qoımasy bar bóget;

- Shalsý ózenindegi «Shalsý» sý toraby;

- Qarmaqshy aýdany men Qyzylorda qalasyndaǵy 5 kollektor;

- Jańa Shıeli magıstraldyq kanalynyń sýmen qamtamasyz etilýin jaqsartý úshin Syrdarııa ózenindegi mata materıaldarynan jasalǵan sý tireýish qurylysy;

- Qaraózek kanalyndaǵy «Kartonkombınat» tireýish qorshaýy;

- «Severnyı prokop» kollektory;

- Túrkistan oblysy Ordabasy aýdanynyń tik drenaj uńǵymalary (44).

Qaýly 2024 jyldyń 20 qarashasynan bastap kúshine endi. 

Aıta keteıik, qarashada elimizdegi 1500-den asa gıdrotehnıkalyq qurylys tekserýden ótti. Bul shara sý tasqyny kezeńine daıyndyq aıasynda júrgizildi. 

Eske sala ketsek, Qazaqstanda 2028 jylǵa deıin 42 sý qoımasy salynbaq.