Elimizde memlekettik satyp alý erejeleri taǵy ózgeredi
Bıyl memlekettik satyp alýdy júzege asyrý erejelerine birneshe ózgeris engizildi. Endi konkýrs jeńimpazdary jańa talap boıynsha anyqtalady. Tolyǵyraq QR Qarjy mınıstrliginiń memlekettik satyp alý jáne kvazımemlekettik sektordy satyp alý zańnamasy departamentiniń dırektory Erlan Seıitov aıtyp berdi, dep habarlaıdy Kazinform.
Endi memlekettik satyp alý boıynsha taýar jetkizilip, qyzmet kórsetýshi tapsyrys berýshi ornalasqan aýmaqta bolsa, onda oǵan ball beriledi.
«Bilesiz be, mundaı problema bar, kompanııa eldiń basqa óńirinde baıqaýda jeńiske jetedi. Sodan keıin ol óz mindetterin oryndamaıdy ne mindetin qosalqy merdigerlikke bermeıdi», - dedi Erlan Seıitov vedomstvoda ótken baspasóz máslıhatynda.
Onyń túsindirýinshe, teris mándi krıterıı boıynsha qol qoıylǵan árbir kelisimshart úshin jetkizýshiden ball alynady.
«Bizde barlyq konkýrsta jeńiske jetip, 1 mlrd teńgeden astam somaǵa 300-den astam shart jasaǵandar bar. Búkil kelisimsharttyń bir qolǵa ketýi básekelestikke jatpaıdy. Osyǵan baılanysty biz jańa krıterıı engizdik, endi jaǵdaı kúrt ózgerdi. Buryn utpaǵan kompanııalar jeńe bastady. Ekinshiden, 300-den astam kelisimshartty jeńip alǵan kompanııalarda endi mundaı múmkindik joq. Kelisimsharttardy memlekettik satyp alýǵa qatysýshylar arasynda birkelki bólý júrip jatyr», - deıdi spıker.
Departament dırektory atap ótkendeı, memlekettik satyp alý týraly zańnyń jańa jobasyn ázirleý baǵytynda jumys júrip jatyr. Zań jobasy Májiliske engizildi. Qujat memlekettik satyp alý protsesin tolyq avtomattandyrýǵa, jeńildetýge jáne bıýrokratııadan shyǵarýǵa baǵyttalǵan.
Sondaı-aq zań jobasy aıasynda jetkizýshilerdi baǵalaýǵa bolatyn basqa da tetikterdi ázirleý usynylady.
«Bizde shaǵymdanýshylar boıynsha problema bar. ıAǵnı durys, burysyna qaramastan, shaǵymdanady jáne memlekettik satyp alýdy toqtatatyn kompanııalar bar. Mundaı kompanııalarmen kúresý úshin biz teris mánge uqsas mehanızmdi usynamyz. Eger shaǵym berý kezinde ol rastalmasa, onda kompanııanyń reıtıngi tómendeıdi. Nashar reıtıng kompanııanyń odan ári qatysý múmkindigin azaıtady», - dedi E.Seıitov brıfıngide.
