Elimizde mektep jasyna deıingi balalardyń 92,5%-y balabaqshamen qamtylǵan

ASTANA. KAZINFORM — 2 jastan 6 jasqa deıingi balalardy mektepke deıingi bilim berýmen qamtý kórsetkishi 92,5%-ǵa jetti, dep habarlaıdy Oqý-aǵartý mınıstrliginiń baspasóz qyzmeti.

детский сад, дети, балабақша
Фото: Виктор Федюнин / Kazinform

Osy jyldyń basynan bastap elimizdiń óńirlerinde 64 myń orynǵa arnalǵan 561 mektepke deıingi uıym ashyldy. Bul kezekte turǵan 2 jastan 6 jasqa deıingi balalardyń 92,5%-yn mektepke deıingi oqytýmen jáne tárbıemen qamtýǵa múmkindik berdi.

Jańa oryndardyń ashylýy mektepke deıingi uıymdardyń qurylysyn júrgizý, rekonstrýktsııalaý jáne shaǵyn ortalyqtar jelisin keńeıtý, sondaı-aq jekemenshik mektepke deıingi uıymdarda memlekettik bilim berý tapsyrysyn ornalastyrý esebinen iske asyrylady.

— Memleket basshysynyń tapsyrmasy boıynsha barlyq balalar úshin teń bastapqy múmkindikterdi qamtamasyz etýge baǵyttalǵan birqatar sharalar qabyldanýda. Balalardy mektepke deıingi tárbıemen jáne oqytýmen qamtýdy ulǵaıtý úshin 2023-2027 jyldarǵa arnalǵan mektepke deıingi uıymdardy iske qosýdyń qadamdyq jospary ázirlendi. Búgingi tańda balalardy mektepke deıingi oqytýmen jáne tárbıemen qamtýda 13 óńir joǵary kórsetkishke qol jetkizdi. Onyń ishinde Shymkent qalasyn, Pavlodar, Soltústik Qazaqstan, Jambyl, Túrkistan, Aqtóbe oblystaryn atap ótýge bolady, — dep qorytyndylady Mektepke deıingi bilim berý departamentiniń dırektory Manara Adamova.

Búginde elimizde 11,6 myń mektepke deıingi uıym jumys isteıdi, onda 1 mln-ǵa jýyq bala tárbıelenýde.

Eske salsaq, Almatyda erejelerdi buzǵan balabaqshalarǵa 165 mln teńgege aıyppul salynǵany anyqtaldy.

Сейчас читают