Elimizde máıitti soıyp teksermeı-aq ólim sebebin anyqtaıtyn tehnologııa engizilmek

ASTANA. KAZINFORM – Elimizde ómirden ozǵan adamnyń ólimine ne sebep bolǵanyn anyqtaý úshin vırtýaldy aýtepsııa qoldaný múmkindigi qarastyrylyp jatyr. Bul týraly Ádilet mınıstrliginiń resmı ókili Talǵat Ýálı aıtty.

Елімізде мәйітті сойып тексермей-ақ өлім себебін анықтайтын технология енгізілмек
Фото: freepik.com

- Tehnologııanyń damýy jaǵdaıynda vırtýaldy aýtopsııany qoldaný múmkindigi paıda bolady. Vırtýaldy aýtepsııa - bul deneniń egjeı-tegjeıli proektsııasyn alý úshin KT skaneri arqyly adamnyń ınvazıvti emes aýtopsııalary oryndalatyn jańa medıtsınalyq tehnologııa. Quqyq qorǵaý organdarynyń máıitti sot-medıtsınalyq saraptaý kezinde sarapshylardyń aldyna qoıatyn negizgi mindeti - ólimniń sebebin anyqtaý. Zertteý engiziletin bolsa keı jaǵdaılarda máıitterdi soıyp tekserýdiń qajettiligi bolmaıdy. Keı jaǵdaılarda ulttyq jáne dinı salt-dástúrlerge súıenip qaza bolǵan adamnyń jaqyndary máıitti kespeýdi suraıdy, - dedi ol Ortalyq kommýnıkatsııalar qyzmetindegi brıfıngte.

Onyń atap ótýinshe, vırtýaldy aýtopsııa ádisi belgili bir dárejede Shveıtsarııada, Ulybrıtanııada, AQSh-ta, Úndistanda, Japonııada, Shvetsııada, Norvegııada, Túrkııada, Saýd Arabııasynda, Reseıde qoldanylady.

- Qazaqstanda qoldanysta joq. Ony engizsek dep zerttep jatyrmyz. Sot-saraptamalyq ortalyǵynyń mamandary osy ádisti qoldanyp jatqan elderge issaparǵa baryp, ádistiń qandaı paıdasy, zııany baryn zerttep jatyr. KT skaneri – óte qymbat qurylǵy. Sondyqtan qandaı qurylǵyny qaı elden durys degen másele pysyqtalyp jatyr. Ulttyq salt-dástúrimizge, dinı nanym-senimimizge baılanysty azamattar máıitti kespeýdi surap jatady. Biraq saraptama júrgizetin mamandar zań aldynda jaýap beredi. Sondyqtan máıitti kesý arqyly júrgiziletin bul saraptamanyń júrgizilýi mindetti, - dedi Talǵat Ýálı.

Qoǵamda ólimnen keıingi aǵza donorlyǵy máselesi jıi kóteriledi. Sebebi donorǵa muqtaj naýqastar sany jyl saıyn artýda. Kezegine jetpeı, erte kóz jumatyndar jeterlik. Osy oraıda saladaǵy jańalyq pen betburysty bilý úshin Transplanttaýdy jáne joǵary tehnologııalyq medıtsınalyq qyzmetti úılestirý jónindegi respýblıkalyq ortalyq dırektorynyń orynbasary Nazgúl Jylgeldınamen suhbattasqan edik.

 

Сейчас читают