Elimizde maýsymdyq jumystarǵa 5 myńǵa jýyq sheteldik jumysshy tartylýy múmkin
ASTANA. KAZINFORM — 2026 jyly Qazaqstanda shetelden jumysqa alýǵa kvota jumys kúshiniń 0,25%-yn quraıdy. ıAǵnı, elimizdegi barlyq jumys isteıtin adamdardyń óte az bóligi — 0,25% — shetelden keletin jumysshylarǵa arnalǵan.
Eńbek jáne halyqty áleýmettik qorǵaý mınıstrligi jyl saıyn ishki eńbek naryǵyn qorǵaý úshin jumys berýshilerdiń qajettilikterine qaraı sheteldik jumys kúshin tartýǵa kvotalar bóledi. Mysaly, 2025 jyly kvotalar 4 sanat boıynsha bólindi:
-
Basshylar jáne orynbasarlary — 726 ruqsat
-
Qurylymdyq bólimshelerdiń basshylary — 3 402 ruqsat
-
Mamandar — 5 893 ruqsat
-
Bilikti jumysshylar — 3 131 ruqsat
Sonymen qatar, maýsymdyq jumystar úshin 4 994 adamǵa deıin kvota qaralǵan. Úı sharýashylyqtarynda jumys isteýge arnalǵan kvota 2025 jyly jumys kúshiniń 2,9%-y shamasynda belgilengen.
Budan buryn sheteldik jumys kúshin tartatyn jumys berýshilerge qoıylatyn talaptar ózgeretinin jazǵan edik.