Elimizde MÁMS engizilgennen bastap 90%-dan astam adam saqtandyrylǵan

ASTANA.KAZINFORM - Mindetti áleýmettik medıtsınalyq saqtandyrý (MÁMS) júıesiniń tarıhynda alǵash ret el azamattarynyń 90%-dan astamy saqtandyrylǵan mártebege ıe bolyp, keń kólemdi medıtsınalyq kómek paketine kepildendirilgen qoljetimdilik aldy. Bul týraly Densaýlyq saqtaý mınıstrligi habarlady.

Bul nátıje Memleket basshysynyń tapsyrmasymen júzege asyrylǵan júıeli ózgeristerdiń arqasynda múmkin boldy.

2025 jyldyń shilde aıynda Qazaqstanda MÁMS júıesine birqatar mańyzdy jańashyldyq engizý týraly zań qabyldandy. Qabyldanǵan zań aıasynda osy jyldyń qańtarynan bastap jergiliktibıýdjet qarajaty esebinen MÁMS júıesiarqyly daǵdarys jáne tótenshe deńgeıdegi (D jáne E sanattary) shamamen1 mıllıon adam qosymsha qamtyldy.

Bul degenimiz, tabysy tómen taǵy 5% Qazaqstan azamattary MÁMS arqyly josparly medıtsınalyq kómekke qol jetkizdi.

Alǵash ret tájirıbede ákimdikter daǵdarystyq (D) jáne tótenshe (E) deńgeıdegi jumyssyz azamattardyń MÁMS júıesine jarnalaryn tóleıtinmehanızm engizildi. Qıyn ómirlik jaǵdaıda qalǵan adamdar endi medıtsınalyq kómeksiz qalmaıdy – bul jaýapkershilikti memleket óz moınyna alady.

Aıta keteıik, 2025 jyldyń 14 shildesinde Memleket basshysy mindetti áleýmettik medıtsınalyq saqtandyrý týraly Zańǵa engizilgen ózgeristerge qol qoıdy.

2026 jyly MÁMS derekterin beretin memlekettik organdardyń tizimi jańartylady.