Elimizde maldy baqylaýsyz jaıýǵa tyıym salynady

ASTANA. KAZINFORM – Elimizde maldy qaraýsyz jaıylymǵa jiberýge bolmaıdy. Bul týraly Іshki ister mınıstrliginde ótken baspasóz máslıhatynda aıtyldy. 

- Mal urlyǵymen kúresti kúsheıtý maqsatynda Іshki ister mınıstrligi basqa memlekettik organdarmen birlesip, zańnamalyq, uıymdastyrýshylyq jáne praktıkalyq sharalardy turaqty túrde júrgizip keledi. Sonyń biri retinde úı janýarlaryn jaıý erejeleri qabyldanǵany týraly aıtýǵa bolady. Erejege sáıkes maldy baqylaýsyz jaıýǵa tyıym salynady, - dedi ІІM resmı ókili Shyńǵys Álekeshev brıfıng barysynda.

Onyń aıtýynsha, erejeni ázirleýde óńirlerdiń ereksheligi eskerildi. 

- Jaıylym erejelerin buzǵany úshin ákimshilik quqyq buzýshylyq týraly kodekstiń 408-baby boıynsha ákimshilik jaýapkershilik kózdelgen. Byltyr 38,5 myńnan astam mal jaıý erejesin buzý jaǵdaıy tirkeldi, - deıdi vedomstvo ókili. 

Buǵan deıin elimizdiń úsh oblysynda toptasyp mal urlaǵandardyń ustalǵany týraly habarlaǵan edik. 

Aıta keteıik, elimizde mal urlyǵy 30,5 paıyzǵa azaıdy.  

Sondaı-aq Qazaqstanda mal urlyǵy jazasy qatańdady.