Elimizde mal urlyǵy jazasy qatańdatyldy
ASTANA. KAZINFORM – Endi mal urlyǵy qaıtalanǵan jaǵdaıda aýyr qylmys sanalady. Bul týraly Іshki ister mınıstrliginiń resmı ókili Shyńǵys Álekeshev málim etti.
– Mal urlyǵy úshin Qylmystyq kodekste jeke bap engizildi. Urlyqshynyń múlkin tárkilep, 12 jylǵa deıin bas bostandyǵynan aıyrý qarastyryldy. Mal urlyǵy qaıtalansa jáne qoradan urlaǵan jaǵdaıda jaza qatańdaıdy, ıaǵnı aýyr qylmystar sanatyna jatady, - dedi Shyńǵys Álekeshev vedomstvoda ótken onlaın baspasóz máslıhatynda.
Resmı ókildiń aıtýynsha, atalǵan jaza túri eki jaqtyń ózara tatýlasyp, urynyń jaýapkershilikten jaltarýyna jol bermeıdi.
Aıta keteıik, taıaýda Májilis depýtaty Maqsat Tolyqbaev Shyǵys Qazaqstanda mal urlyǵy órship turǵanyn aıtyp, Іshki ister mınıstrligine máseleni nazarǵa alýdy surady.