Elimizde mal basy artty

ASTANA. KAZINFORM – Bıylǵy 1 qarashadaǵy jaǵdaı boıynsha, ótken jyldyń sáıkes kezeńimen salystyrǵanda elimizdiń aýyl sharýashylyǵynda mal basy men qus sany artty. Bul týraly Úkimettiń baspasóz qyzmeti habarlady.

Іri qara mal (ІQM) – 8,2 mln bas (120,6%), onyń ishinde sıyr – 4,4 mln bas (123,3%), jylqy – 4,1 mln bas (104,9%), túıe – 2,8 mln bas (104,7%).

Sút óndirisi 3 mln tonnaǵa (104,2%) jetti, onyń 1,1 mln tonnasy (107,5%) aýyl sharýashylyǵy qurylymdarynda óndirildi.

Taýyq jumyrtqasyn óndirý 3,7 mlrd danaǵa deıin (100,9%) jetti, onyń ishinde aýyl sharýashylyǵy qurylymdarynda 3,1 mlrd danaǵa deıin (101,5%) ulǵaıdy.

Respýblıka boıynsha 2024-2025 jyldardaǵy qystaý kezeńinde 35,2 mln tonna shóp (jospardyń 143,9%-y), 2 mln tonna pishen (jospardyń 117,9%-y), 5,1 mln tonna saban (jospardyń 111,9%-y), 2,3 mln tonna súrlem (jospardyń 117,9%-y), sondaı-aq 5,8 mln tonna jem (jospardyń 104,4%-y) daıyndaldy.

Daıyndalǵan mal azyǵynyń kórsetilgen kólemi ónim men tól alýdyń josparly kólemin, tolyqqandy azyqtandyrýdy, sondaı-aq jalpy mal basynyń saqtalýyn qamtamasyz etýge múmkindik beredi.

Mal sharýashylyǵynyń ónimdiligin arttyrýdy sýbsıdııalaý qaǵıdalaryna ózgerister engizilgenin jazǵan bolatynbyz.