Elimizde logoped, sýrdolog, reabılıtolog mamandar tapshy – Úkimet basshysy
ASTANA. KAZINFORM –Premer-mınıstr Oljas Bektenov Batys Qazaqstan, Atyraý, Aqtóbe, Qaraǵandy oblystarynda erekshe muqtajdyǵy bar balalar ózine tıesili orta bilimdi durys ala almaı otyrǵanyn synady.
- Keıbir óńirlerde erekshe qajettilikteri bar balalardy oqytý úshin qolaıly jaǵdaı jasaý máselesinde suraqtar az emes. Batys Qazaqstan, Atyraý, Aqtóbe, Qaraǵandy oblystarynda, sondaı-aq basqa da óńirlerde «erekshe» balalardyń barlyǵy birdeı bilimmen jáne ınklıýzıvti jaǵdaılarmen qamtylyp otyrǵan joq, - dedi ol.
Premer-mınıstr arnaıy komıssııalar ondaı balalardy tekserip úlgermeı jatqanyn da aıtyp ótti.
- Psıhologııalyq-medıtsınalyq pedagogıkalyq komıssııa muqtaj balalardy túgel keshendi tekserýden ótkizip úlgere almaı jatyr. Uzyn kezek birneshe aıǵa deıin sozylyp ketip otyr. Arnaıy mamandar, ıaǵnı logopedter, sýrdologter, reabılıtologter jetispeıdi, - dedi Oljas Bektenov.
Sondaı-aq, ol Oljas Bektenov jeke kompanııalardy muqtaj adamdardy qoldaýǵa shaqyrdy.
