Elimizde KVI-ge qarsy jappaı ekpe salý mindetti emes - Aıjan Esmaǵambetova
ASTANA. KAZINFORM – QR Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova elimizde koronavırýstyń taralýyna qatysty túsinik berdi.
«Qazir koronavırýs jyl boıy tirkelip jatyr. Byltyr qyrkúıek aıynda indetti juqtyrý deńgeıi ósken edi. Sonymen qatar bıyl qańtar aıynda ósim baıqaldy. Degenmen ótken jyldarmen salystyrǵanda koronavırýstyń taralýy azaıǵan», - dedi A.Esmaǵambetova Senatta tilshiler suraǵyna jaýap bere otyryp.
Onyń aıtýynsha, Dúnıejúzilik densaýlyq saqtaý uıymynyń usynysy (DDSU) boıynsha qazir jappaı halyqqa COVID-19 vırýsyna qarsy vaktsına saldyrýǵa nemese revaktsınatsııa jasaý qajet emes. Tek halyqtyń osal toptaryna, ıaǵnı egde jastaǵy adamdarǵa ekpe salýǵa bolady. Biraq muny da epıdemıologııalyq jaǵdaıǵa qaraı ár memleket ózi sheshedi.
«Alaıda epıdemıologııalyq jaǵdaı ózgerse, bizde OtarBioPharm bir aıǵa qajet vaktsınanynyń dozasyn shyǵarady. Dúnıejúzilik densaýlyq saqtaý uıymynyń nusqaýyna qaraǵanda, elimizde jappaı vaktsına saldyrý mindetti emes», - dedi vıtse-mınıstr.
