Elimizde kýrorttyq aımaqtardy damytý jónindegi Jol kartasy ázirlendi

ASTANA. KAZINFORM — 2025 jyly elimizdegi 8 negizgi kýrorttyq aımaqqa ınventarızatsııa júrgizildi. Bul týraly týrızm jáne sport mınıstri Erbol Myrzabosynov 2025 jyldy qorytyndylaý barysynda málimdedi.

Úkimettiń málimetinshe, ol atalǵan jumystardyń nátıjesinde 2025-2028 jyldarǵa arnalǵan kýrorttyq aımaqtardy damytý jónindegi Jol kartasynyń jobasy ázirlengenin atap ótti.

— Sondaı-aq bıyl kýrorttyq ınfraqurylymdy júıeli jańǵyrtýdy, qaýipsizdik deńgeıin arttyrýdy, logıstıkany jáne týrıstik servısterdi damytýdy kózdeıtin Şýche-Býrabaı kýrorttyq aımaǵyn damytýdyń keshendi jospary, sondaı-aq 2025-2029 jyldarǵa arnalǵan «Mańǵystaý» týrıstik aımaǵyn damytýdyń keshendi jospary bekitildi, — dedi Myrzabosynov.

Budan buryn Qazaqstanda týrızm salasyna tartylǵan ınvestıtsııa kólemi 38,1%-ǵa óskeni anyqtaldy.