Elimizde Quryltaı saılaýy kúni qansha sábı ómirge keldi
ASTANA. KAZINFORM – 23 tamyzda, Quryltaı depýtattaryn saılaý kúni Qazaqstannyń medıtsınalyq uıymdarynda 657 sábı dúnıege keldi. Onyń ishinde 318 ul jáne 339 qyz bala bar.
Densaýlyq saqtaý mınıstrligi málimetinshe, jańa týǵan nárestelerdiń eń kóp sany Almaty qalasynda – 60 bala, Túrkistan oblysynda – 54, Shymkent qalasynda – 51 bala tirkeldi. El boıynsha bir egizder juby dúnıege keldi.
Ana men bala densaýlyǵyn saqtaý uıymdarynyń medıtsına qyzmetkerleri demalys jáne mereke kúnderin qosa alǵanda, táýlik boıy júkti áıelderdi qaýipsiz baqylaýdy jáne bosandyrýdy qamtamasyz etip, ana men jańa týǵan nárestelerge qajetti medıtsınalyq kómek kórsetedi.
657 qazaqstandyq otbasy úshin bul kún el ómirindegi mańyzdy saıası oqıǵamen ǵana emes, jańa adamnyń dúnıege kelýimen de máńgi este qalatyny sózsiz.
Almatyda saılaý kúni 60 sábı dúnıege kelgenin jazǵan edik.
