Elimizde qurylys jumystary 15,3%-ǵa ósti
ASTANA. KAZINFORM – 2026 jylǵy qańtar-shildede oryndalǵan qurylys jumystarynyń kólemi 15,3% ósip, 5 061,1 mlrd. teńgeni qurady, dep habarlaıdy Ulttyq statıstıka bıýrosy.
Qurylys jumystarynyń (qyzmetteriniń) túrleri boıynsha eń kóp úlesti avtomobıl, temirjoldary men metrolar (24,7%), turǵyn emes ǵımarattar (jalpy kólemge 21,4%) jáne turǵyn úılerdiń (13,4%) qurylysy alady.
Aıta keteıik, Respýblıka boıynsha qurylys jumystarynyń jalpy kóleminen jeke qurylys uıymdarymen 90,1%, sheteldik – 9,2%, memlekettik – 0,7% oryndaldy.
Osyǵan deıin elde qurylys materıaldary óndirisin damytýǵa 775 mlrd teńge baǵyttalatyny týraly jazdyq.
