Elimizde kún saıyn 110 adam ıtterdiń shabýylynan zardap shegedi
ASTANA. KAZINFORM – Elimizde kún saıyn 110 adam ıtterdiń shabýylynan zardap shegedi. Bul týraly Májilis depýtaty Samat Musabaev aıtty.
«Buralqy ıtterdiń jáne qaraýsyz qalǵan janýarlardyń tisteýinen, tyrnaýynan, silekeıleýinen zardap shegip, antırabııalyq kómek suraǵandar málimetterine toqtalaıyn. Iesi bar ıtterden 18 myń, buralqy ıtterden 19 myń jáne qyzmettik ıtten 1 adam zardap shekken. ıAǵnı, 1 jylda 40 myńǵa jýyq adam zardap shegip otyr. 1 jylda 365 kún bar desek, kúnine 110 adam ıtterdiń shabýylyna ushyrap otyr», - dedi depýtat «Janýarlarǵa jaýapkershilikpen qaraý týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyn talqylaý barysynda.
Onyń dereginshe, qazirgi ýaqytta elimizdiń 3 oblysynda buralqy ıtterge arnalǵan panajaı men ýaqytsha ustaý orny, 3 oblysta ýaqytsha ustaý orny, 3 oblys pen 1 qalada panajaı joq. Osyǵan oraı atalǵan zańǵa mynadaı ózgertýler men tolyqtyrýlar engizilmek:
– janýarlardy esepke alýdyń biryńǵaı elektrondyq bazasyn ortalyqtandyrý;
– janýardy ýaqytsha ustaý ornyna ornalastyrǵanǵa deıin janýardyń ıesine odan bas tartýǵa tyıym salýdy belgileý, sondaı-aq janýardyń ıesine ony dalaǵa tastamaı, ýaqytsha ustaý ornyna ótkizýdi mindetteý;
– janýarlar agressııa tanytyp, shabýyldaǵan jaǵdaılarda jergilikti atqarýshy organdardyń osyndaı oqıǵalarǵa shuǵyl den qoıý sharalaryn uıymdastyrý mindetin belgileý;
– aýrýǵa shaldyqqan, agressııa kórsetetin, zooqorǵaý uıymdary men ózge de tulǵalar tarapynan ornalastyrylmaǵan jáne talap etilmegen janýarlardyń sanyn retteý úshin eger olar buralqy ıtter bolsa 15 kún ishinde, al eger olar qaraýsyz qalǵan janýarlar bolsa 60 kún ishinde evtanazııa qoldaný.
