Elimizde kún raıy ózgeredi: keı óńirlerde aýa temperatýrasy +20°S-qa jetedi
ASTANA. KAZINFORM — Aldaǵy kúnderi Qazaqstannyń basym bóliginde jaýyn-shashyn bolmaıdy. Kúndiz aýa temperatýrasy +20°S-qa deıin kóterilse, túnde aıaz saqtalady. Bul týraly «Qazgıdromet» RMQ málim etti.
Aldaǵy kúnderi Qazaqstan aýmaǵyndaǵy aýa raıyn keń aýqymdy antıtsıklon qalyptastyrady. Osyǵan baılanysty elimizdiń basym bóliginde jaýyn-shashynsyz aýa raıy kútiledi.
Túngi ýaqytta elimizdiń barlyq derlik óńirinde aýa temperatýrasy nólden tómen bolǵanymen, kúndiz aýa temperatýrasy soltústik pen shyǵysta +5…+10°S-qa, batysta +15…+20°S-qa, al respýblıkanyń ońtústiginde +12…+17°S-qa deıin kóteriledi.
