Elimizde qýaty 7 300 megavatt elektr jelisi salynady – Úkimet

ASTANA. KAZINFORM – Úkimet basshysynyń orynbasary Qanat Bozymbaev elimizde elektr jelilerin jańǵyrtý barysy týraly aıtty. 

- Aldaǵy bes jyl ishinde elimizde shamamen qýaty 7 300 megavatt elektr jelisi salynady jáne qoldanystaǵy elektr jelileriniń bir bóligi jańǵyrtylady. Ol úshin 6 trln teńgeden astam qarjy jumsalyp jatyr. Bul baǵytta Energetıka mınıstrliginiń qarjylandyrý tetigi bar, ulttyq joba elektr qýaty naryǵy arqyly iske asyrylady. Al qarjylandyrý naryq jaǵdaıynda júrgiziledi, ıaǵnı paıyzdyq mólsherlemeni qalyptastyrý úshin eshqandaı sýbsıdııa qarastyrylmaǵan, - dedi Qanat Bozymbaev Úkimet úıinde ótken baspasóz máslıhatynda. 

Eske salaıyq, «Energetıkalyq jáne kommýnaldyq sektorlardy jańǵyrtý» ulttyq jobasyn iske asyrýǵa 6,8 trln teńge ınvestıtsııa qajet. 

Aıta keteıik, Úkimet úıinde vıtse-premer Qanat Bozymbaevtyń qatysýymen «Energetıkalyq jáne kommýnaldyq sektorlardy jańǵyrtý» ulttyq jobasyna arnalǵan baspasóz máslıhaty ótip jatyr.