Elimizde ishki saýda 5,6% ósti
ASTANA.KAZINFORM - 2026 jylǵy qańtar-mamyr aılarynyń qorytyndysy boıynsha Qazaqstannyń ishki saýda salasynda turaqty oń dınamıka saqtaldy. Ulttyq statıstıka bıýrosy málimetinshe, «Saýda» salasynyń naqty kólem ındeksi ótken jyldyń sáıkes kezeńimen salystyrǵanda 105,6% boldy.
Esepti kezeńde kóterme saýda kólemi 19,6 trln teńgege jetip, ótken jyldyń osy kezeńimen salystyrǵanda 6,5% artty. Bul kórsetkish eldegi saýda belsendiliginiń ósýine jáne ekonomıkalyq belsendiliktiń nyǵaıýyna eleýli úles qosty.
Bólshek saýda salasynda da oń úrdis jalǵasyp jatyr. 2026 jyldyń alǵashqy bes aıynda bólshek saýda kólemi 9 trln teńge bolyp, naqty mánde 3,6% ósti.
Saýda kólemi boıynsha jetekshi óńirler qatarynda Almaty (jalpy kólemdegi úles salmaǵy – 34,5%) jáne Astana (13,9%) qalalary, sondaı-aq Atyraý (11,5%) jáne Qaraǵandy (6,1%) oblystary men Shymkent qalasy (5%) bar.
Astana men Almaty aqsha aıyrbastaý oryndarynda sheteldik valıýta baǵamy usynylǵanyn jazǵan bolatynbyz.
