Elimizde kóshi-qon aǵynyn taldaý ortalyǵy qurylyp jatyr

ASTANA. KAZINFORM — Elimizde kóshi-qon aǵynyn taldaý ortalyǵy qurylyp jatyr. Bul týraly Eńbek jáne halyqty áleýmettik qorǵaý mınıstri Svetlana Jaqypova málim etti. 

— Kóshi-qon salasynda atqarylyp jatqan sharalarǵa kelsem, Eńbek resýrstaryn damytý ortalyǵynyń bazasynda kóshi-qon aǵyny máseleleri jónindegi taldaý ortalyǵy qurylyp jatyr, — dedi Svetlana Jaqypova Úkimet otyrysynda.

Odan bólek, mınıstrdiń málimdeýinshe, búginde Migration.Enbek.kz kóshi-qon protsesi týraly portal jumys istep tur.

— Portal sheteldik jumys kúshiniń qozǵalysyn, qandastardy tirkeý, esepke alýdy qosa alǵanda, el ishinde de, odan tys jerlerde de eńbek resýrsty qozǵalysyna baılanysty bıznes protsesti avtomattandyrýǵa múmkindik berdi. Sonymen qatar shetel azamattarynyń kásiptik tájirıbesin qazaqstandyq jumysshylarǵa úıretýdi kózdeıtin tálimgerlik júıe engizildi, — deıdi vedomstvo basshysy.

Buǵan deıin shetelde zańsyz eńbek etken qazaqstandyqtarǵa sanktsııalyq shara qoldanylatyny týraly jazǵan edik. 

Sondaı-aq Eńbek mınıstrligi jumys kúshi tapshy óńirlerge kóshken azamattarǵa 4,5 mln teńgeniń turǵyn úı sertıfıkaty beriletinin habarlaǵan edi.