Elimizde kompıýter qurastyrý kólemi 4,4 ese artqan

ASTANA. KAZINFORM – Elimizde kompıýter men noýtbýk qurastyrý kólemi bir jyldyń ishinde 4,4 ese artqan. Bul týraly Energyprom.kz resýrsynyń saraptamasynda aıtylǵan.

«Qazaqstanda kompıýter men noýtbýk óndirisi bir jylda 4,4 ese artyp, 2024 jyldyń qańtary men aqpanynda 6,1 myń danaǵa jetti. Bul — 2013 jyldan bergi eń úlken kórsetkish. 2013 jyldyń qańtary men jeltoqsanynyń arasynda sektordaǵy óndiris kólemi 83,4 myń dana bolǵan edi. 10 jyl ótkennen keıin bul kórsetkish 11,7 myń ǵana boldy» dep jazylǵan saraptamada.

Materıal avtory bul málimet resmı statıstıkada otandyq óndiris retinde sıpattalǵanymen is júzinde qurastyrý kólemi ǵana ekenin eskertedi. 

«Resmı statıstıka derekteri boıynsha qazaqstandyq zaýyttar 2023 jyldyń 12 aıynda esepteýshi tsıfrlyq mashınalarǵa ishki suranystyń 23,2%-yn qamtamasyz etken. Bir jyl buryn bul kórsetkish 21% bolatyn. Ashyǵyn aıtaıyq, Qazaqstanda satylǵan árbir tórtinshi kompıýter otandyq ónim degendi elestetý qıyn. Biz ol jaǵyna toqtalmaımyz, tek ulttyq statıstıka bıýrosy bergen resmı derekterdi usynyp otyrmyz» dep jazady Energyprom.kz.