Elimizde kókjótelden ekinshi bala kóz jumdy

ASTANA. KAZINFORM – Bas memlekettik sanıtarlyq dáriger Aıjan Esmaǵambetova qaýipti ınfektsııadan bıyldyqqa ekinshi bala kóz jumǵanyn málimdedi. Qaıǵyly oqıǵa Ulytaý óńirinde bolǵan.

«Bıyl kókjótelden eki bala kóz jumdy, bireýi – Qaraǵandy oblysynda, al ekinshisi – Ulytaýda. Olardyń ekeýi de ekpe salatyn jasqa jetpegen», – dedi Aıjan Esmaǵambetova.

Dárigerler kókjóteldiń óte qaýipti ınfektsııa ekenin alǵa tartyp otyr. Aýyrǵan 10 adamnyń tórteýi jan tapsyrýy múmkin.

Qazirgi ýaqytta elimizde ár aı saıyn 350-den 400-ge deıin adam kókjóteldi juqtyryp jatqan kórinedi. Naýqastardyń 90%-ǵa jýyǵy ekpe almaǵan.

Densaýlyq saqtaý mınıstrligi halyqty ekpeden bas tartpaýǵa shaqyrady. Eldiń bas dárigeri kókjótelge qarsy frantsýz vaktsınasy tıimdi ekenin eske saldy.

Esterińizge salsaq, buǵan deıin Almatyda kókjótelmen aýyrǵandar kóbeıgenin jazǵan edik.