Elimizde kókjótelden 3 bala kóz jumǵan: Pavlodarlyq dárigerler dabyl qaǵyp otyr
PAVLODAR. KAZINFORM — Jyl basynan qaýipti ınfektsııany 70 bala juqtyrǵan. Dárigerler kókjóteldi juqtyrmas úshin oǵan qarsy ekpeni ýaqytynda alý kerek deıdi.
Kókjótelmen ádette 14 jasqa deıingi balalar aýyrady.
Ol ásirese, omyraýdaǵy sábıler úshin qaýipti.
Óńirlik santarııalyq-epıdemıologııalyq baqylaý departamentiniń mamandary derttiń asa qaýipti ekenin eskertedi.
«Pavlodar oblysynda jyl basynan 70 balanyń kókjótelmen aýyrǵany tirkeldi. Byltyr dál osy kezeńde mundaı aýrý múlde kezdespegen edi. Kókjótelge qarsy vaktsıa salý derttiń aldyn alady. Ondaı balaǵa ınfektsııa juqqannyń ózinde aýrý jeńil túrde ótedi» dep túsindirdi departamentten.
Jyl basynan beri respýblıkada kókjótelden úsh sábı kóz jumǵan, olardyń barlyǵy ekpe almaǵany anyqtaldy.
Buǵan deıin bul derttiń Almatyda da taralyp ketkenin jazǵan edik.
