Elimizde qoǵamdyq keńesterdiń qyzmetin retteıtin zańnamany jetildirý jumysy bastaldy
ASTANA. KAZINFORM — Mádenıet jáne aqparat mınıstrligi qoǵamdyq keńesterdiń qyzmetin retteıtin zańnamany jetildirý jónindegi jumys tobynyń alǵashqy otyrysyn onlaın ótkizgenin habarlady.
Bul jumys Memleket basshysy Qasym-Jomart Toqaevtyń 2026 jylǵy 24 qyrkúıekte Qazaqstan Halyq Keńesiniń birinshi sessııasynda bergen tapsyrmasyna sáıkes qolǵa alyndy.
Otyrysqa qatysýshylar qoǵamdyq keńesterdiń qyzmetindegi ózekti máselelerdi talqylady. Qoldanystaǵy zańnama normalary men keńesterdiń jumys tájirıbesin jan-jaqty taldap, olardyń qyzmetiniń tıimdiligin arttyrýǵa baǵyttalǵan usynystar ázirleý qajettigine basa nazar aýdaryldy.
Talqylaý barysynda aıtylǵan usynystar men usynymdar qoldanystaǵy zańnamaǵa engiziletin ózgerister men tolyqtyrýlardy ázirleýge negiz bolady.
Atalǵan máselelerdi jan-jaqty zerdeleý úshin el óńirlerindegi qoǵamdyq keńester ókilderiniń qatysýymen birqatar dıalog alańyn uıymdastyrý da josparlanyp otyr.
Aıta keteıik, úkimettik emes uıymdardyń qyzmetine qatysty zań jobalary qoǵamdyq talqylaýǵa shyǵaryldy.
