Elimizde kóbine qansha jastaǵy adamdar sportpen aınalysatyny belgili boldy
ASTANA. KAZINFORM – 12 000 úı sharýashylyǵy arasynda júrgizilgen qoǵamdyq pikirdi iriktemeli zertteý nátıjesi boıynsha, 2026 jyly úsh jastan asqan Qazaqstan halqynyń 47,7%-y dene shynyqtyrýmen jáne sportpen aınalysady. Onyń ishinde 19,2%-y bos ýaqytynda óz betinshe jattyǵady, 28,1%-y bilim berý uıymdarynda ótkiziletin sporttyq sabaqtarǵa qatysady, al saýalnamaǵa qatysqandardyń 0,4%-y sportpen kásibı túrde aınalysady.
Ulttyq statıstıka bıýrosy málimetinshe, 2025 jylmen salystyrǵanda dene shynyqtyrýmen jáne sportpen aınalysatyndardyń úlesi 1,2 paıyzdyq tarmaqqa artyp, 46,5%-dan 47,7%-ǵa jetti.
Qala turǵyndary arasynda dene shynyqtyrýmen jáne sportpen aınalysý deńgeıi birshama joǵary - 49,3% (2025 jyly – 48,4%), al aýyldyq jerlerde bul kórsetkish 45,0% boldy (2025 jyly – 43,5%). Bul rette qala turǵyndary bos ýaqytynda óz betinshe jattyǵýdy jıi tańdaıdy – 22,2%, al aýyldyq jerlerde bul kórsetkish 13,7%.
Óz betinshe dene shynyqtyrýmen jáne sportpen aınalysatyndardyń eń joǵary úlesi 36-48 jas aralyǵyndaǵy adamdarǵa tıesili (28,4%). Odan keıin 17-28 jas aralyǵyndaǵy (18,6%), 58 jastaǵy jáne odan úlken (16,6%), 29-35 jas (16,0%) jáne 49-57 jas aralyǵyndaǵy (15,4%) toptary keledi.
Óńirlik bóliniste 17-28 jas aralyǵynda óz betinshe dene shynyqtyrýmen jáne sportpen aınalysatyndardyń eń joǵary úlesi Mańǵystaý (48,1%), Qyzylorda (31,0%), Aqtóbe oblystarynda jáne Ulytaý oblysynda (28,9%) baıqalady. 36-48 jas aralyǵyndaǵylar arasynda eń joǵary kórsetkish Pavlodar (42,6%), Jambyl (40,8%) oblystarynda jáne Shymkent qalasynda (39,2%) tirkeldi.
58 jas jáne odan joǵary jastaǵylar arasynda Soltústik Qazaqstan (32,7%), Qostanaı (32,2%) oblystary jáne Almaty qalasy (30,3%) kósh bastap tur.
Jynysy boıynsha óz betinshe dene jattyǵýlary men sportpen aınalysatyndar arasynda bólinis is júzinde teń: 51,0%-yn erler, 49,0%-yn áıelder quraıdy. Erler arasynda eń joǵary úles 36-48 jas aralyǵyndaǵy jas tobyna tıesili (14,4%), odan keıin 17-28 jas (11,3%) jáne 29-35 jas (9,1%) toptary keledi.
Áıelder arasynda da 36-48 jas aralyǵyndaǵy jas toby kósh bastap tur (13,9%), sondaı-aq 58 jastaǵy jáne odan úlken áıelderdiń úlesi joǵary (12,3%).
Qalalarda áıelderdiń 43,9% jáne erlerdiń 34,5% óz betinshe dene belsendiligimen aınalyssa, aýyldyq jerlerde araqatynas kerisinshe: erlerdiń 54,6% jáne áıelderdiń 32,7% óz betinshe aınalysady.
Óz betinshe jattyǵý jasaý dene belsendiliginiń negizgi túri bolyp qala beredi: erlerdiń 39,7%-y jáne áıelderdiń 41,0%-y uıymdastyrylǵan sabaqtarǵa qatyspaı, óz betinshe jattyǵýdy jón kóredi.
Sport sektsııalary men trenajer zaldaryn qosa alǵanda, uıymdastyrylǵan sporttyq sabaqtarǵa erlerdiń 8,7%-y jáne áıelderdiń 6,6%-y qatysady. Taǵy 2,5% er adam jáne 1,5% áıel uıymdastyrylǵan sabaqtardy óz betinshe jattyǵýmen qatar alyp júredi.
Óz betinshe dene belsendiligimen aınalysatyn erlerdiń eń joǵary úlesi Jambyl (68,5%), Túrkistan (66,2%), Qyzylorda (60,6%) oblystarynda jáne Jetisý oblysynda (56,9%) baıqalady. Áıelder arasynda eń joǵary kórsetkishter Shymkentte (53,8%), Astanada (52,1%), Aqmola (49,7%) jáne Shyǵys Qazaqstan (46,3%) oblystarynda tirkeldi. Uıymdastyrylǵan sabaqtar erler arasynda Mańǵystaý (25,3%), Ulytaý (21,9%), Qaraǵandy (21,7%) jáne Almaty (21,0%) oblystarynda, al áıelder arasynda Soltústik Qazaqstan (21,2%), Pavlodar (17,5%) oblystarynda, Almatyda (16,4%) jáne Qaraǵandy oblysynda (16,0%) keń taralǵan.
Astana turǵyndarynyń 41%-ǵa jýyǵy sportpen turaqty aınalysatynyn jazǵan edik.
