Elimizde kıim men mata óndirýshilerge memlekettik qoldaýdyń jańa sharalary usynylady

ASTANA. KAZINFORM — Qazaqstanda otandyq shıkizatty paıdalanatyn jáne jumys oryndaryn ashatyn jeńil ónerkásip nysandaryna memlekettik, kvazımemlekettik sektorlar, sondaı-aq jer qoınaýyn paıdalanýshylar arqyly uzaq merzimdi tapsyrystar berý josparlanyp otyr. Bul týraly QR Ónerkásip jáne qurylys vıtse-mınıstri Oljas Saparbekov Úkimet otyrysynan keıingi brıfıngide málimdedi.

shaǵyn bıznes
Foto: QR Úkimeti

Vıtse-mınıstrdiń aıtýynsha, jeńil ónerkásip el ekonomıkasy úshin erekshe mańyzǵa ıe. Sebebi bul sala halyqtyń edáýir bóligin jumyspen qamtyp otyr. Osyǵan baılanysty Úkimet atalǵan sektordy damytýǵa arnalǵan 30-ǵa jýyq tarmaqtan turatyn keshendi jospardy bekitken.

Qujattyń negizgi maqsaty – jumys istep turǵan óndiristik qýattardy tolyq júkteý, kásiporyndar arasyndaǵy kooperatsııany damytý jáne jeńil ónerkásiptiń tolyqqandy klasterin qalyptastyrý.

– Mata óndiretin kásiporyndar bar, tigin tigetin kásiporyndar bar. Alaıda kıim tigýmen aınalysatyndardyń barlyǵy birdeı Qazaqstan aýmaǵynda óndirilgen matany paıdalana bermeıdi. Osyndaı máseleler týyndap otyr, – dedi Oljas Saparbekov.

Bul túıtkildi sheshý úshin mınıstrlik depýtattarmen birlesip, zańnamalyq túzetýler ázirlegen. Nátıjesinde salalyq klaster uǵymy bekitildi. Endi osy aıasynda kásiporyndar arasyndaǵy kooperatsııany damytyp, tıisti mindettemelerdi qabyldaǵan óndiris oryndarynyń jumysyn turaqty tapsyryspen qamtamasyz etý josparlanyp otyr.

Atap aıtqanda, kásiporyndar otandyq shıkizatty paıdalanýǵa, halyqtyń áleýmettik osal toptary úshin jumys oryndaryn ashýǵa jáne eksportqa nemese jappaı tutyný naryǵyna baǵyttalǵan ónim shyǵarýǵa mindetteme alýy tıis.

– Qarapaıym tilmen aıtqanda, eger biz osynda kıim tigetin bolsaq jáne kásiporyn Qazaqstanda óndirilgen shıkizatty barynsha paıdalanýǵa, sondaı-aq jeńil ónerkásip salasynda halyqtyń áleýmettik osal toptaryn jumyspen qamtýǵa mindetteme alsa, onda biz oǵan qoldaý kórsetemiz. Sonymen qatar kásiporyn eksportqa nemese jappaı tutyný naryǵyna shyǵýǵa baǵyttalǵan jańa ónimder shyǵarýy kerek. Osy talaptardy oryndaǵan jaǵdaıda, ony memlekettik satyp alý, kvazımemlekettik sektor jáne jer qoınaýyn paıdalanýshylardyń satyp alýy arqyly uzaq merzimdi tapsyrystarmen qamtamasyz etemiz, – dep túsindirdi vıtse-mınıstr.

Onyń aıtýynsha, qazirgi ýaqytta tıisti túzetýler memlekettik organdar men Quryltaı depýtattary arasynda belsendi talqylanyp jatyr. Qajetti sheshimderdiń bir bóligi zańǵa táýeldi aktiler deńgeıinde qabyldansa, endi birine zańnamaǵa ózgerister engizý qajet bolady.

Mınıstrlik jańa tetikter jeńil ónerkásip kásiporyndarynda ýaqytsha emes, turaqty jumys oryndaryn ashýǵa múmkindik beredi dep boljaıdy.

– Bizdiń negizgi maqsatymyz – qyzmetkerlerdiń laıyqty jalaqymen qamtamasyz etilýin jáne biliktiligin arttyrý máselelerin de eskerý. ıAǵnı kásiporyndar adamdardy belgili bir ýaqytqa nemese qysqa merzimdi tapsyrysqa ǵana jumysqa alyp, keıin bosatyp jibermeýi kerek. Ár adam turaqty jumys istep, osy óndiris salasynda kásibı turǵydan damyp, uzaq merzimdi yntymaqtastyqqa senim arta alýy qajet, – dep túıindedi Oljas Saparbekov.

Aıta keteıik, buǵan deıin otandyq jeńil ónerkásipke memlekettik satyp alýda basymdyq beriletinin jazǵanbyz.