Elimizde qylmystyń azaıýy durys baǵytta kele jatqanymyzdy ańǵartady – Bas prokýratýra

ASTANA. KAZINFORM – Keıingi 5 jylda jylda Qazaqstanda qylmys deńgeıi aıtarlyqtaı azaıdy. Bul týraly Kazinform agenttiginiń BIZDIÑ ORTA podkastynda QR Bas Prokýrorynyń orynbasary Jandos Ómirálıev aıtty.

– Sońǵy 5 jylda elimizde qylmys deńgeıi aıtarlyqtaı tómendedi... 2019 jyly 280 myń qylmys tirkelse, 2024 jyly bul kórsetkish 133 myńǵa deıin azaıdy. Bul – úlken jetistik, – dedi J. Ómirálıev.

Bul turǵyda ol kisi óltirý jáne zorlyq qylmystary 2 esege, tonaý men qaraqshylyq 5 esege qysqarǵanyn atap ótti.

- Damyǵan elderde qylmys deńgeıin birqalypty ustaý – oń kórsetkish retinde sanalady. Al bizde onyń aıtarlyqtaı tómendeýi – durys baǵytta kele jatqanymyzdyń belgisi. Bul – tek quqyq qorǵaý organdarynyń ǵana emes, búkil memlekettik apparattyń jáne qoǵamnyń ortaq eńbegi. Eń bastysy, qoǵamnyń quqyqtyq sanasynyń ósip kele jatqany baıqalady, – dedi ol.

Eske salsaq, bıyl sáýir aıynda Bas Prokýrordyń orynbasary Ǵalymjan Qoıgeldıev izdeýde júrgen kúdiktilerge qatysty pikir aıtty.