Elimizde kıik etine suranys bar ma — Aýyl sharýashylyǵy mınıstrliginiń jaýaby
ASTANA. KAZINFORM — QR Aýyl sharýashylyǵy vıtse-mınıstri Azat Sultanov Úkimette 2026–2029 jyldarǵa arnalǵan halyq tabysyn arttyrý jónindegi keshendi jospar tanystyrylǵannan keıin uıymdastyrylǵan baspasóz konferentsııasynda kıik etine suranys tómen ekenin málimdedi.
— Ókinishke qaraı, qazir kıik etine suranys aıtarlyqtaı joǵary emes. Taýarlar óńdeýshi kásiporyndarda jınalyp turǵany baıqalady. Buǵan, eń aldymen, Qazaqstan sırek kezdesetin janýarlar sanyn qalpyna keltirýge baılanysty qabyldaǵan mindettemeler áser etip otyr. Ekologııa jáne tabıǵı resýrstar, sondaı-aq, Saýda jáne ıntegratsııa mınıstrlikterimen, basqa da múddeli memlekettik organdarmen kıik etin ótkizý boıynsha tıisti jumystar atqarylyp jatyr, — dedi ol.
Sonymen birge, kıik etin satýda usynylatyn baǵa jáne ony óńdeıtin kásiporyndardyń tizimi ózgermegen.
Aıta keteıik, buǵan deıin Aýyl sharýashylyǵy mınıstrligi óńdeýshi kásiporyndarǵa kıik etiniń kılogramyn 1 600 teńgeden satýdy usynǵanyn jazǵanbyz.
