Elimizde keıbir mınıstrlerdiń memlekettik tildi bilmeýine túsinik berildi

ASTANA. KAZINFORM – Qazaqstanda birneshe mınıstrdiń qazaq tilin jetik bilmeýine resmı túsinik berildi. 

Ortalyq kommýnıkatsııalar qyzmeti alańynda ótken baspasóz máslıhatynda kelesi saýal qoıyldy: «Memlekettik qyzmetke úmitkerler (A jáne B korpýsy) qazaq tilinen (memlekettik til) emtıhan tapsyrady, solaı ǵoı? Olaı bolsa, elimizde eki mınıstr Energetıka mınıstri Almasadam Sátqalıev jáne Ónerkásip jáne qurylys mınıstri Qanat Sharlapaev memlekettik tildi jetkilikti deńgeıde bilmeı, qalaı qyzmetke qabyldandy?».

«Birinshiden, testileý, ıaǵnı memlekettik qyzmetke irikteý ákimshilik qyzmetke úmitkerler úshin bekitilgen. Al saıası qyzmetshilerge basqa tártip. Olar ákimshilik qyzmetke úmitkerler sekildi testileý tapsyrmaıdy. Saıası qyzmetshiler konkýrstan ótpeıdi, taǵaıyndalady», - dep jaýap berdi Memlekettik qyzmet isteri agenttigi tóraǵasynyń orynbasary Salaýat Múksimov.

Buǵan deıin S.Múksimov memlekettik qyzmetterdi alýda bıýrokratııa faktileri áli de baryn aıtqan edi.

Sondaı-aq, brıfıng barysynda memlekettik qyzmetshi jemqorlyq jasasa kim otstavkaǵa ketý kerektigine túsinik berildi.

Odan bólek, budan bylaı laýazymdy tulǵalar óz betinshe sheshim qabyldaı almaıdy, másele komıssııa arqyly qaralady.