Elimizde kazıno ashýǵa ruqsat etiletin aýmaqtar belgili boldy
ASTANA. KAZINFORM — Qazaqstan Úkimeti kazıno, oıyn avtomattary zaldary, býkmekerlik keńseler men totalızatorlar jumys isteı alatyn aýmaqtardyń tizimin bekitti.
Qaýlyǵa sáıkes, kazıno, oıyn avtomattary zaldary, býkmekerlik keńseler men totalızatorlardy myna aýmaqtarda ornalastyrýǵa ruqsat etiledi:
— Almaty oblysyndaǵy Qapshaǵaı sý qoımasynyń jaǵalaýy;
— Aqmola oblysynyń Býrabaı aýdany.
Budan bólek, shetel azamattary men azamattyǵy joq adamdarǵa ǵana qyzmet kórsetetin kazıno men oıyn avtomattary zaldary ashylatyn aýmaqtar da belgilendi. Bul oıyn oryndaryna shetel azamattary, azamattyǵy joq adamdar, sondaı-aq onda jumys isteıtin nemese qyzmettik mindetin atqarý úshin kelgen adamdar kire alady.
Bul tizimge:
— Almaty oblysynyń Talǵar jáne Uıǵyr aýdandary;
— Mańǵystaý oblysyndaǵy Kaspıı teńiziniń jaǵalaýy;
— Jetisý oblysyndaǵy Alakól jaǵalaýy men Panfılov aýdany;
— Shyǵys Qazaqstan oblysynyń Marqakól jáne Zaısan aýdandary;
— Batys Qazaqstan oblysynyń Báıterek aýdany;
— Abaı oblysyndaǵy Alakól jaǵalaýy kiredi.
Qaýly 2026 jylǵy 11 qyrkúıekten bastap kúshine enedi.
Aıta keteıik, buǵan deıin qumar oıyndarǵa táýeldilik qalaı emdeletini jóninde materıal jarııalandy.
