Elimizde Qazaqstan oqýshylarynyń XIII qysqy gımnazıadasy bastalady

ASTANA. KAZINFORM – 2025 jylǵy 10 aqpan kúni oqýshylar arasynda XIII qysqy Gımnazıada bastalady. Bul týraly Oqý-aǵartý mınıstrliginiń baspasóz qyzmeti habarlady. 

Sporttyq sharaǵa elimizdiń barlyq óńirinen 12-18 jas aralyǵyndaǵy 700-ge jýyq oqýshy qatysady.

Ulttyq ǵylymı-praktıkalyq dene tárbıesi ortalyǵyna silteme jasap. Gımnazıada segiz sport túri - shańǵy jarysy, qysqy prezıdenttik saıys, bıatlon, qysqy sporttyq baǵdarlaý, short-trek, bendı (dopty hokkeı), shaıbaly hokkeı jáne mánerlep syrǵanaý boıynsha ótedi. Barlyǵy 162 medal jáne 15 kýbok sarapqa salynady.

- Prezıdent Qasym-Jomart Toqaev qyrkúıek aıyndaǵy halyqqa Joldaýynda salaýatty ultty tárıeleý týraly aıtty. Ol úshin elimizde buqaralyq jáne balalar sportyn damytý qajet. Gımnazıada - bul jáı ǵana jarys emes, naǵyz talanttardy anyqtaýǵa, balalar arasynda sportty nasıhattaýǵa jáne sportshylardyń jańa býynyn qalyptastyrýǵa baǵyttalǵan doda, - dep atap ótti Oqý-aǵartý mınıstrliginiń Ulttyq ǵylymı-praktıkalyq dene tárbıesi ortalyǵynyń bas dırektory Arman Tashmetov.

Qazaqstan oqýshylarynyń XIII qysqy gımnazıadasy Batys Qazaqstan oblysynda, Oral jáne Aqsaı qalalarynda sáýir aıyna deıin jalǵasady.